ଭୁବନେଶ୍ବର: ଆସନ୍ତା ସେପ୍ଟେମ୍ବର 2ରେ ପାଳନ କରାଯିବ ଗଣେଶ ପୂଜା । ଧରା ପୃଷ୍ଠରେ ଅବତରଣ କରିବେ ଗଜାନନ । ଯାହାକୁ ନେଇ ରାଜଧାନୀରେ ଚାଲିଛି ଜୋରଦାର ପ୍ରସ୍ତୁତ । ମୂର୍ତ୍ତୀ ପ୍ରସ୍ତୁତ ମଧ୍ୟ ଶେଷ ସୋପାନରେ ପହଞ୍ଚିଛି ।
କୃତ୍ରିମ ପୋଖରୀରେ ବିସର୍ଜନ ହେବେ ବିଘ୍ନ ବିନାଶକ
ଲୋକଙ୍କ ଚାହିଦାକୁ ଦୃଷ୍ଟିରେ ରଖି ତିଆରି ହୋଇଛି ଗଣେଶ ମୂର୍ତ୍ତୀ । ଛୋଟ ବଡ ସମସ୍ତ ପ୍ରକାର ମୂର୍ତ୍ତୀ ଏବେ ବଜାରରେ ଉପଲବ୍ଧ ହେଉଛି । କେଉଁଠି ନାଗ ସାପ ଫଣାରେ ତ ଆଉ କେଉଁଠି ବାହୁବଳୀ ଷ୍ଟାଇଲର ଦେଖିବାକୁ ମିଳୁଛି ମୂର୍ତ୍ତୀ ।
ତେବେ ଏଥର ଗଜାନନଙ୍କ ବିସର୍ଜନକୁ ପ୍ରଦୂଷଣ ମୁକ୍ତ କରିବା ପାଇଁ କରାଯାଇଛି ଏକ ନିଆରା ପ୍ରୟାସ । ବିସର୍ଜନ ପାଇଁ ବିଏମସିର ପ୍ରଦୂଷଣ କଣ୍ଟ୍ରୋଲ ବୋର୍ଡ 4ଟି ପ୍ରାକୃତିକ କୁଣ୍ଡ ତିଆରି କରିବାକୁ ଯୋଜନା କରିଛି। ଯାହାର ଦୁଇଟି କୁଣ୍ଡ ଦୟା ନଦୀ ପାଖରେ ଆଉ ଦୁଇଟି କୁଆଖିଆ ନଦୀ ପାଖରେ ତିଆରି କରାଯିବା ବୋଲି ସୂଚନା ଦେଇଛି ବିଏମସି।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
