ଭୁବନେଶ୍ବର: ଦିନକ ପରେ ସ୍ବାଧୀନତା ଦିବସ। ତେବେ ଏଥର କୋଭିଡ ପାଇଁ ନିରାଡମ୍ବର ଭାବରେ କରାଯିବ ପାଳନ। ଗୃହ ବିଭାଗର ଗାଇଡଲାଇନ ଅନୁସାରେ ପାଳନ ହେବ ସ୍ବାଧୀନତା ଦିବସ। ଏନେଇ ପ୍ରଦର୍ଶନୀ ପଡିଆରେ ହୋଇଛି ଫୁଲ୍ ଡ୍ରେସ ପରେଡ ଅଭ୍ୟାସ।
ଏଥର 3 ପ୍ଲାଟୁନ ମୁତୟନ ହେବେ । ଗୋଟିଏ ପ୍ଲାଟୁନ ଓଡ୍ରାଫ, ଗୋଟିଏ ପ୍ଲାଟୁନ 7 ବାଟାଲିୟନ ଓ ଗୋଟିଏ ପ୍ଲାଟୁନ ଏସଏସବି ମୁତୟନ ହେବେ। କୋଭିଡ ନିୟମ ଭିତରେ ସମାପନ ହେବ ସ୍ବାଧୀନତା ଦିବସ ।
କୋଭିଡ ନିୟମ ଭିତରେ ସ୍ବାଧୀନତା ଦିବସ କିପରି ପାଳନ ହେବ ସେନେଇ ନିର୍ଦ୍ଦେଶନାମା ଜାରି କରିଛି ଗୃହ ବିଭାଗ । ସକାଳ 9ଟା ପରେ ଜାତୀୟ ପତାକା ଉତ୍ତୋଳନ ହେବ । ଗୋଟିଏ କିମ୍ବା ଦୁଇଟି ପୋଲିସ ବାହିନୀ ମୁଖ୍ୟ ଅତିଥିଙ୍କ ସ୍ବାଗତ ପାଇଁ ନିୟୋଜିତ ହେବେ । ଚଳିତବର୍ଷ ମହାମାରୀ ସ୍ଥିତିକୁ ନଜରରେ ରଖି ପରେଡ ହେବନାହିଁ ବୋଲି ନିଷ୍ପତ୍ତି ହୋଇଛି ।
ଚଳିତବର୍ଷ ସ୍ବାଧିନତା ଦିବସ ପାଳନରେ ସାଧାରଣ ଲୋକେ ସାମିଲ ହେବେ ନାହିଁ । ଅତିଥି ସଂଖ୍ୟା 50ରୁ 75 ରହିବ । ସେମାନଙ୍କ ମଧ୍ୟରେ 15ରୁ 20 ଜଣ କୋଭିଡ ଯୋଦ୍ଧା ରହିବେ । ପତାକା ଉତ୍ତୋଳନ ସ୍ଥାନକୁ ପ୍ରଥମେ ସାନିଟାଇଜ କରାଯିବ । ଏଥିସହ ପ୍ରବେଶ ପଥରେ ସାନିଟାଇଜର ରହିବ । ମାସ୍କ ବ୍ୟବହାର ସହ ସାମାଜିକ ଦୂରତା ବାଧ୍ୟତାମୂଳକ ରହିଛି ।
ସେହିପରି ଅନଲାଇନ କୁଇଜ ଓ ରଚନା ପ୍ରତିଯୋଗିତା ହୋଇପାରିବ। ବୃକ୍ଷ ରୋପଣ ବି ହୋଇପାରିବ। ତେବେ ଏହି ନିୟମ ରାଜ୍ୟ, ଜିଲ୍ଲା ତଥା ବ୍ଲକସ୍ତରରେ ଲାଗୁ ହେବା ନେଇ ସ୍ପଷ୍ଟ ହୋଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
