ପୁରୀ: ଶୁ୍କ୍ରବାର ଠାରୁ ଜଗା ଦର୍ଶନ ମନା । କରୋନା ସତର୍କତା ସ୍ବରୂପ ଶୁକ୍ରବାର ଠାରୁ ଶ୍ରୀମନ୍ଦିରକୁ ଭକ୍ତଙ୍କ ପ୍ରବେଶ ବାରଣ କରିଛି ମନ୍ଦିର ପ୍ରଶାସନ । କେବଳ ଦୈନନ୍ଦିନ ନୀତିକାନ୍ତି ପାଇଁ ଦଇତାପତି ସେବାୟତ ମାନେ ବଡଦେଉଳରେ ପ୍ରବେଶ କରିବେ । ସେବାୟତଙ୍କ ବ୍ୟତୀତ ତାଙ୍କ ପରିବାରବର୍ଗ ମଧ୍ୟ ଶ୍ରୀମନ୍ଦିର ଆସିବାକୁ ମନା ।
କରୋନା ମୁକାବିଲା ପାଇଁ ମନ୍ଦିର ପ୍ରଶାସନ ଏହି ଗୁରୁତ୍ବପୂର୍ଣ୍ଣ ନିଷ୍ପତି ଗ୍ରହଣ କରିଛି । ଏନେଇ ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ. କ୍ରିଷନ କୁମାର । ଏହି କଟକଣା ଏପ୍ରିଲ1 ପର୍ଯ୍ୟନ୍ତ ବଳବତ୍ତର ରହିବ ବୋଲି ମନ୍ଦିର ପ୍ରଶାସନ ସ୍ପଷ୍ଟ କରିଛି । ଏହାସହ କରୋନା ମୁକାବିଲା ପାଇଁ ଏହା କରାଯାଇଛି । ସେବାୟତ ଭକ୍ତଙ୍କ ସୁରକ୍ଷା ପାଇଁ ଶ୍ରୀମନ୍ଦିର ପ୍ରଶାସନ ଏଭଳି କଠୋର ନିଷ୍ପତି ନେବାକୁ ବାଧ୍ୟ ହୋଇଛି ବୋଲି ପ୍ରଶାସନ କହିଛି । ତେଣୁ ଭକ୍ତ ମାନେ ନିଷ୍ପତିରେ ନିରାଶ ନହୋଇ ପ୍ରଶାସନକୁ ସହଯୋଗ କରନ୍ତୁ ବୋଲି ପୁରୀ ଜିଲ୍ଲାପାଳ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
