ଭୁବନେଶ୍ବର: ଆଜି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ତିରୋଧାନ ଦିବସ । ଏହି ଅବସରରେ କଂଗ୍ରେସ ଭବନ ଓ ରାଜୀବ ଭବନ ଠାରେ କଂଗ୍ରେସ ପକ୍ଷରୁ ସ୍ମୃତି ଦିବସ ପାଳନ କରାଯାଇଥିଲା । ରାଜୀବ ଗାନ୍ଧୀଙ୍କ ପ୍ରତିମୂର୍ତ୍ତୀରେ ପୁଷ୍ପ ମାଲ୍ୟାର୍ପଣ କରି କଂଗ୍ରେସ ନେତାମାନେ ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି ।
କଂଗ୍ରେସ ପକ୍ଷରୁ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ତିରୋଧାନ ଦିବସ ପାଳିତ
ଆଜିର ଦିନରେ ଆଧୁନିକ ଭାରତ ଗଠନର ଜନନାୟକଙ୍କୁ ମନେପକାଇ ତାଙ୍କର ସ୍ମୃତି ଚାରଣ କରାଯାଇଛି। ଯୁବକ ଓ ଯୁବତୀଙ୍କୁ ଆତ୍ମନିର୍ଭରଶୀଳ କରିବାରେ ରାଜୀବ ଗାନ୍ଧୀଙ୍କ ବହୁତ ଅବଦାନ ଥିଲା। ଏହାସହ ଟେକ୍ନୋଲୋଜି ପ୍ରସାର ନିମନ୍ତେ ରାଜୀବଙ୍କ ଅବଦାନ ଅତୁଳନୀୟ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି । ରାଜୀବ ଗାନ୍ଧୀଙ୍କ ନିଷ୍ଠାଧାର କାର୍ଯ୍ୟଶୈଳୀକୁ ଆଜିର ଯୁବକ ଓ ଯୁବତୀ ପ୍ରେରଣା ନେବାର ଆବଶ୍ୟକତା ରହିଛି ବୋଲି କଂଗ୍ରେସ ବରିଷ୍ଠ ନେତା ତଥା ଦଳର ସାଧାରଣ ସମ୍ପାଦକ ଶରତ ରାଉତ କହିଛନ୍ତି।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
