ଭୁବନେଶ୍ବର: ରାଜ୍ୟରେ ଚିକିତ୍ସାଧିନ ଅବସ୍ଥାରେ ଆଜି ପୁଣି କୋରୋନାରେ ଆଉ 5 ଜଣଙ୍କର ମୃତ୍ୟୁ ହୋଇଛି । ମୃତ ବ୍ୟକ୍ତି ଗଞ୍ଜାମ, ସୁନ୍ଦରଗଡ ଓ ଜଗତସିଂହପୁର ହୋଇଥିବା ଜଣାପଡିଛି । ଏବେ ସୁଦ୍ଧା କୋରୋନା ଜନିତ ମୃତ୍ୟୁ ସଂଖ୍ୟା 91ରେ ପହଞ୍ଚିଥିବା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି ।
ଗଞ୍ଜାମରୁ 3 ଜଣଙ୍କର ମୃତ୍ୟୁ ହୋଇଛି । ଦୁଇ ଜଣ ପୁରୁଷ ଓ ଜଣେ ମହିଳାଙ୍କର ମୃତ୍ୟୁ ହୋଇଛି । ସେମାନଙ୍କ ବୟସ 44, 39 ଓ 70 ବର୍ଷ ବୋଲି ସୂଚନା ରହିଛି । 39 ବୟସ ମୃତ ବ୍ୟକ୍ତି ଜଣଙ୍କ ଡାଏବେଟିସରେ ପୀଡିତ ଥିବା ଜଣାପଡିଛି ।
ସେହିପରି ସୁନ୍ଦରଗଡରେ ଜଣେ ମହିଳାଙ୍କ ମୃତ୍ୟୁ ହୋଇଛି । ଏବଂ ତାଙ୍କ ବୟସ 65 ବୋଲି ଜଣାପଡିଛି । ସେ କୋରୋନା ବ୍ୟତୀତ ଡାଏବେଟିସ ଓ ବ୍ରୋଙ୍କାଇଟିସ୍ ରୋଗରେ ପୀଡିତ ଥିବା ସୂଚନା ରହିଛି ।
ଜଗତସିଂହପୁରରେ କୋରୋନାରେ ପ୍ରଥମ ମୃତ୍ୟୁ ହୋଇଛି । ତାଙ୍କ ବୟସ 67 ବୋଲି ଜଣାପଡିଛି । ସେ ମଧ୍ୟ ଡାଏବେଟିସ ରେ ପୀଡିତ ଥିବା ସୂଚନା ରହିଛି ।
ସୂଚନା ଯୋଗ୍ୟ, ଆଜି 736ଜଣ ପଜିଟିଭ ଚିହ୍ନଟ ହୋଇଛନ୍ତି । ଆଜି ଚିହ୍ନଟଙ୍କ ମଧ୍ୟରେ ସଙ୍ଗରୋଧ କେନ୍ଦ୍ରରୁ 481 ଚିହ୍ନଟ ହୋଇଥିବାବେଳେ 255 ସ୍ଥାନୀୟ ସଂକ୍ରମଣ ଭାବରେ ଚିହ୍ନଟ ହୋଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
