ଭୁବନେଶ୍ବର: ସୁସ୍ଥ ହୋଇ ଫେରିବା ପରେ ପ୍ରତିକ୍ରିୟା ରଖିଲେ ପ୍ରଥମ କୋରୋନା ଆକ୍ରାନ୍ତ । କହିଲେ ଭୟଭୀତ ହୁଅନ୍ତୁ ନାହିଁ । ସକାରାତ୍ମକ ଚିନ୍ତାଧାରା ରଖନ୍ତୁ ।
ସୁସ୍ଥ ହୋଇ ଫେରିବା ପେର ପ୍ରଥମ କୋରୋନା ସଂକ୍ରମିତ କହିଛନ୍ତି ଯେ, ସେ ପ୍ରଥମେ ଭୟଭୀତ ଥିଲେ । ଆଡମିଟ ହେବା ପରେ ମନରେ ଭୟ ରହିଥିଲା । କିନ୍ତୁ ଡାକ୍ତରଙ୍କ ସହଯୋଗ ଏବଂ ସରକାରଙ୍କ ସୁବିଧା ଯୋଗୁଁ ସେ ଆଜି ସୁସ୍ଥ ହୋଇ ଫେରିଛନ୍ତି । ତାଙ୍କ କନସଲଟାଣ୍ଟ ଡାକ୍ତର ଏସସି ସାହୁ ଚିକିତ୍ସକ ଡ଼ ଗୁରୁଦତ୍ତ ଓ କ୍ୟାପିଟାଲ ହସ୍ପିଟାଲ ଡାଇକ୍ଟରଙ୍କୁ ଧନ୍ୟବାଦ ଦେଇଛନ୍ତି ସେ । ଏଥିସହ ସରକାରଙ୍କ ସୁବିଧା ସୁଧୋଗକୁ ନେଇ ନିଜର କୃତଜ୍ଞତା ଜ୍ଞାପନ କରଛନ୍ତି । ଲୋକଙ୍କୁ ଅପିଲ କରିଛନ୍ତି କୋରୋନାକୁ ନେଇ ଭୟଭୀତ ହୁଅନ୍ତୁ ନାହିଁ । ଭଲଭାବେ ବୁଝନ୍ତୁ ଏବଂ ସକାରାତ୍ମକ ଚିନ୍ତାଧାରା ରଖନ୍ତୁ । 14 ଦିନ ଚିକିତ୍ସିତ ହୋଇ ସୁସ୍ଥ ଫେରିଥିବାରୁ ଖୁସି ବ୍ୟକ୍ତ କରିଛନ୍ତି ।
ସୂଚନା ଯୋଗ୍ୟ ଯେ ରାଜ୍ୟରେ ପ୍ରଥମ କୋରୋନା ଆକ୍ରାନ୍ତ ମାର୍ଚ୍ଚ 15 ତାରିଖରେ ଚିହ୍ନଟ ହୋଇଥିଲେ । ଯାହାପରେ ତାଙ୍କୁ କ୍ୟାପିଟାଲ ହସ୍ପିଟାଲ ଭର୍ତ୍ତି କରାଯାଇ ଚିକିତ୍ସା କରାଯାଇଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
