ଭୁବନେଶ୍ବର: ଉତ୍କଳ ବିଶ୍ବବିଦ୍ୟାଳୟର କୂଳପତିଙ୍କ କାର୍ଯ୍ୟାଳୟରେ ଅଗ୍ନିକାଣ୍ଡ । ସନ୍ଧ୍ୟା ପ୍ରାୟ 6.30ରେ ନିଆଁ ଲାଗିଥିବା ସୂଚନା ରହିଛି । ନିଆଁ ଗୋଟିଏ ରୁମରୁ ଅନ୍ୟ ରୁମକୁ ବ୍ୟାପିବାକୁ ଲାଗିଥିଲା । ଚାହୁଁ ଚାହୁଁ କାର୍ଯ୍ୟାଳୟରେ ଥିବା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଜଳି ପୋଡି ପାଉଁଶ ହୋଇଯାଇଛି ।
ଉତ୍କଳ ବିଶ୍ବବିଦ୍ୟାଳୟରେ ଅଗ୍ନିକାଣ୍ଡ
କେବଳ କାଗଜପତ୍ର ନୁହେଁ ବହୁ ଟେବୁଲ, ଚେୟାର ମଧ୍ୟ ଜଳିପୋଡି ଯାଇଛି । ଅଗ୍ନିକାଣ୍ଡର କାରଣ ଜଣାପଡିନଥିବା ବେଳେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ଲଗାଣ ବର୍ଷା ଯୋଗୁଁ ସଟସର୍କିଟ ହୋଇ ନିଆଁ ଲାଗିଥିବା ଅନୁମାନ କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
