ଭୁବନେଶ୍ବର: ରାଜ୍ୟ ମାନବାଧିକାର ଆୟୋଗରେ ଲାଗିଲା ନିଆଁ । ସର୍ଟସର୍କିଟ ଯୋଗୁଁ ଏୟାର କଣ୍ଡିସନର(AC) ଫାଟିବା ଯୋଗୁଁ ନିଆଁ ଲାଗିଥିବା ସୂଚନା । ଏଭଳି ଘଟଣା ଘଟିବା ପରେ କର୍ମଚାରୀମାନେ ଭୟଭୀତ ହୋଇଯାଇଥିବା ବେଳେ ନିଆଁକୁ ଆୟତ୍ତ କରିଛନ୍ତି ଅଗ୍ନିଶମ କର୍ମଚାରୀ ।
ତୋଷାଳି ଭବନରେ ଥିବା ରାଜ୍ୟ ମାନବାଧିକାର କମିଶନରେ ସଟସର୍କିଟ ଯୋଗୁଁ ଏସି ଫାଟିଥିବା ସୂଚନା ମିଳିଛି । ଫଳରେ କାର୍ଯ୍ୟାଳୟର କିଛି ଅଂଶରେ ନିଆଁ ଲାଗିଥିଲା । ତେବେ ଅଚାନକ ଭାବରେ ଏସି ବ୍ଲାଷ୍ଟ ହୋଇ ନିଆଁ ବାହାରିଥିଲା ବୋଲି ଜଣେ କର୍ମଚାରୀ କହିଛନ୍ତି । ଅଗ୍ନି ନିୟନ୍ତ୍ରକ ଯନ୍ତ୍ର ମାଧ୍ୟମରେ ନିଆଁକୁ ଆୟତ୍ତ କରିଥିଲେ କାର୍ଯ୍ୟାଳୟର କର୍ମଚାରୀ ।
କିନ୍ତୁ ନିଆଁ ନ ଲିଭିବା ପରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ଏହାପରେ ଅଗ୍ନିଶମ ବିଭାଗ ଠିକ ସମୟରେ ପହଞ୍ଚି ନିଆଁକୁ ଆୟତ୍ତ କରିଥିଲା । ତେବେ ଏନେଇ ମହିଳା କମିଶନ ଓ ରାଜ୍ୟ ମାନବାଧିକାର କମିଶନର ସମସ୍ତ କର୍ମଚାରୀମାନେ ଭୟରେ କାର୍ଯ୍ୟାଳୟ ଛାଡି ବାହାରକୁ ଆସିଯାଇଥିଲେ ବୋଲି କହିଛନ୍ତି ରାଜ୍ୟ ମାନବାଧିକାର କମିଶନର ଜଣେ କର୍ମଚାରୀ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
