ଭୁବନେଶ୍ବର: ମୋ ସରକାର ଯୋଜନାକୁ ଶକ୍ତ ଧକ୍କା । ଅସନ୍ତୋଷ ବ୍ୟକ୍ତ କଲେ ସାଧାରଣ ଲୋକେ। ପୋଲିସ କମିସନର ଦେଖାଇଲେ ଦୁର୍ବ୍ୟବହାର । ଠେଲା ମାରିଲେ ଓ କାଗଜ ଫୋପାଡି ଅସଭ୍ୟ ବ୍ୟବହାର ଦେଖାଇଲେ । ଏପରି ସଙ୍ଗୀନ ଅଭିଯୋଗ ଆଣିଛି ପଟ୍ରୋଲିୟମ ଡିଲର ଆସୋସିଏସନ । ଏନେଇ ସଙ୍ଘ ପକ୍ଷରୁ ପୋଲିସ କମିସନରଙ୍କ ବିରୋଧରେ ଥାନାରେ ହୋଇଛି ଅଭିଯୋଗ ।
ଗତ ୨୧ ତାରିଖରେ ପଟ୍ରୋଲ ପମ୍ପ ସମପର୍କିତ ସମସ୍ୟା ନେଇ ପୋଲିସ କମିସନରଙ୍କୁ ଦେଖା କରିବାକୁ କମିସନରେଟ ମୁଖ୍ଯାଳୟ ଯାଇଥିଲେ ସଙ୍ଘ କର୍ମକର୍ତ୍ତା । ଯେଉଁଠି କମିସନରଙ୍କ ଚାମ୍ବର ସାମ୍ନାରେ ସଙ୍ଘର ସଭାପତି ସୁଧାଁଶୁ ଶେଖର ସାହୁ ଏନେଇ ମେମୋରାଣ୍ଡମ ବଢାଇ ନିଜର ସମସ୍ଯା ସମ୍ପର୍କରେ କହିବା ବେଳେ କମିସନର ନଶୁଣି ତାଙ୍କର ମେମୋରାଣ୍ଡମକୁ ଫୋପାଡିବା ସହ ତାଙ୍କୁ ଠେଲି ଦେଇଥିଲେ ବୋଲି ଅଭିଯୋଗ ହୋଇଛି । ଯାହାକୁ ନେଇ ସଙ୍ଘର କର୍ମକର୍ତ୍ତା ତାଙ୍କୁ ଦୁର୍ବ୍ଯବହାର ହୋଇଥିବା ନେଇ ପ୍ରତିକ୍ରିୟା ରଖି ଅଭିଯୋଗ ଉଠାଇଛନ୍ତି । ସେପଟେ ଅଭିଯୋଗକୁ ଖଣ୍ଡନ କରିଛନ୍ତି କମିସନର । କହିଛନ୍ତି ବ୍ୟସ୍ତତା ଯୋଗୁଁ ତାଙ୍କୁ ପରେ ଆସିବାକୁ କହି କଟକ ର ଏକ କାର୍ଯକ୍ରମରେ ଯୋଗଦେବାକୁ ଯାଇଥିଲି।
ଏହା ସହିତ ସେଭଳି କିଛି ଆଚରଣ କରିନାହିଁ । ପୋଲିସର ବ୍ଯସ୍ତତା ବୁଝିବା ଦରକାର ବୋଲି କହିଛନ୍ତି ପୋଲିସ କମିସନର। ତେବେ କମିସନରଙ୍କ ଏପରି ଆଚରଣ କରିଛନ୍ତି ? ନା ତାଙ୍କ ବିରୋଧରେ ଏକ ପ୍ରାୟୋଜିତ ଅଭିଯୋଗ ଅଣାଯାଇଛି ।
ତେବେ ସେଠାରେ ଲାଗିଥିବା ସିସିଟିଭି ହିଁ ସମସ୍ତ ପ୍ରମାଣ ଦେବ ବୋଲି ଅଭିଯୋଗକାରୀ କହିଛନ୍ତି । ତେବେ ପୋଲିସ କମିସନରେଟ କାର୍ଯାଳୟରୁ ସମ୍ପୃକ୍ତ ସିସିଟିଭି ଫୁଟେଜ ଜାରି କରିବ କି ? ନା ଅଭିଯୋଗକୁ ଭିତ୍ତିକରି କମିସନରେଟ ପୋଲିସ କମିସନରଙ୍କ ବିରୋଧରେ ମାମଲା ଦାଏର କରିବ ଦେଖିବାକୁ ବାକି ରହିଲା ।
ଭୁବନେଶ୍ବର ତାପସ ପରିଡା, ଇଟିଭି ଭାରତ
