ଭୁବନେଶ୍ବର: ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନମାନଙ୍କରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ରାଗିଂ । ଗତ ମାସ 22 ତାରିଖରେ ସମ୍ବଲପୁରର ବୀର ସୁରେନ୍ଦ୍ର ସାଏ ବୈଷୟିକ ବିଶ୍ବବିଦ୍ୟାଳୟରେ ଘଟଣା ସାରା ଦେଶରେ ଆଲୋଡନ ସୃଷ୍ଟି କରିଥିଲା। ଆଉ ଏହାର କିଛି ଦିନ ଅନ୍ତରରେ ପୁଣି ଏହିଭଳି ଘଟଣା ସମ୍ବଲପୁରର ବୈଦିକ କନିଷ୍ଠ ମହାବିଦ୍ୟାଳୟ ଓ ରେଭେନ୍ସା ବିଶ୍ବବିଦ୍ୟାଳୟରେ ହୋଇଥିବା ନଜରକୁ ଆସିଛି।
ଏହାକୁ ନେଇ ରାଗିଂ ମୁକ୍ତ କ୍ୟାମ୍ପସ ଅଭିଯାନ ପକ୍ଷରୁ ଓଡିଶା ମାନବାଧିକାର ଆୟୋଗ ନିକଟରେ ପିଟିସନ ଦାଖଲ କରାଯାଇଥିବା କହିଛନ୍ତି ଏହାର ଆବାହକ ତେଜେଶ୍ବର ପରିଡା। ଏ ବିଷୟରେ ରାଜ୍ୟସରକାର କ'ଣ ପଦକ୍ଷେପ ନେଉଛନ୍ତି ଓ ଏହାକୁ ରୋକିବାକୁ କଣ କଣ ବ୍ୟବସ୍ଥା ଗ୍ରହଣ କରାଯାଇଛି ସେନେଇ ଆୟୋଗ ମାଧ୍ୟମରେ ସରକାରଙ୍କୁ ସ୍ପଷ୍ଟୀକରଣ ଦେବାକୁ କୁହାଯାଇଛି ବୋଲି ସେ କହିଛନ୍ତି।
ଆୟୋଗର ଅଧକ୍ଷ ଓ ସଦସ୍ୟ ତାଙ୍କ ପିଟିସନ ଗ୍ରହଣ କରିବା ସହିତ ସରକାରଙ୍କ ସହିତ ଆଲୋଚନା କରି ଆସନ୍ତା ମାସ 11 ତାରିଖରେ ଏ ବିଷୟରେ ଅବଗତ କରାଇବେ ବୋଲି ତେଜେଶ୍ବର ସୂଚନା ଦେଇଛନ୍ତି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
