ଭୁବନେଶ୍ବର: ନୟାପଲ୍ଲୀ ଥାନା ସ୍ଥିତ ଆଇଡି ମାର୍କେଟରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । କିଛି ଅସମାଜିକ ବ୍ୟକ୍ତି କ୍ଷୁଦ୍ର ପରିବା ବ୍ୟବସାୟୀଙ୍କ ପନିପରିବା ଫୋପଡା ଫିଙ୍ଗା କରିଥିଲେ । ଏହା ପରେ ଦୁଇ ଗୋଷ୍ଠୀ ମଧ୍ୟରେ ସଂର୍ଘଷ ଦେଖିବାକୁ ମିଳିଥିଲା।
ଫଳରେ ବ୍ୟବସାୟୀମାନେ ଦିନ ତମାମ ଦୋକାନ ଗୁଡିକୁ ବନ୍ଦ ରଖିଥିଲେ । ଆଉ ଏହା ବିରୋଧରେ 800ରୁ 1000 କ୍ଷୁଦ୍ର ବ୍ୟବସାୟୀ ନିକଟସ୍ଥ ନୟାପଲ୍ଲୀ ଥାନାରେ ଏତଲା ଦେଇଛନ୍ତି । ଦୀର୍ଘ ଦିନ ଧରି ମାର୍କେଟରେ 2ଟି ସଂଘ ରହିଥିବା ବେଳେ ଇଲେକ୍ଟ୍ରି ବାବଦକୁ କ୍ଷୁଦ୍ର ବ୍ୟବସାୟୀଙ୍କ ଠାରୁ ଦୈନିକ 10 ଓ 15 ଟଙ୍କା ଲେଖାଁଏ ଟଙ୍କା ନେଉଥିଲେ ।
କିନ୍ତୁ ନିଷ୍ପତ୍ତି କ୍ରମେ ବ୍ୟବସାୟୀମାନେ ଅଲଗା ଇଲେକ୍ଟ୍ରି ଆଣିବାକୁ ଯୋଜନା କରୁଥିଲେ । ଯାହା ଅନ୍ୟ ଗୋଷ୍ଠୀ ଏହା ଜାଣିପାରି ବିରୋଧ କରୁଥିଲେ। ଯାହାର ସୁଯୋଗ ନେଇ କିଛି ଗୋଷ୍ଠୀ ଆସି ଆଇଡି ମାର୍କେଟରେ ଜିନିଷ ଫୋପଡା ଫିଙ୍ଗା କରିବା ସହ ଗୁଣ୍ଡାଗର୍ଦ୍ଦି କରିଥିଲେ । ତେବେ ଖବରପାଇ ଘଟଣାସ୍ଥଳରେ ପୋଲିସ ମୁତୟନ କରାଯାଇଥିଲା ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
