ଭୁବନେଶ୍ବର: ହକ୍ ପାଇଁ କୃଷକଙ୍କ ଲଢେଇ। ନୂତନ କୃଷି ଆଇନକୁ ଜୋରଦାର ବିରୋଧ। କେନ୍ଦ୍ର ସରକାର ନୂତନ କୃଷି ଆଇନକୁ ପ୍ରତ୍ୟାହାର କରି ନିଅନ୍ତୁ ଦାବିରେ ଗୁରୁବାର ଭୁବନେଶ୍ବରରେ ଅଲ ଇଣ୍ଡିଆ କିଷାନ ସଂଘର୍ଷ କୋର୍ଡି ନେସନ କମିଟି ପକ୍ଷରୁ ରାଲି କରାଯାଇଛି ।
ହକ୍ ପାଇଁ ରାଜରାସ୍ତାରେ ଚାଷୀ
ଭୁବନେଶ୍ବର ମହାତ୍ମା ଗାନ୍ଧୀ ମାର୍ଗରେ ରାଲି ଏବଂ ପ୍ରତିବାଦ ସହିତ ବିଧାନସଭାକୁ ପ୍ରବେଶ କରିବାକୁ ଚେଷ୍ଟା କରୁଥିବାବେଳେ ପୋଲିସ ସେମାନଙ୍କୁ ଅଟକ ରଖିଥିଲା । ଏଥିପାଇଁ କୃଷକ ସଙ୍ଗଠନଗୁଡିକ ମହାତ୍ମା ଗାନ୍ଧୀ ମାର୍ଗରେ ଗେଟ ପାଖରେ ପ୍ରତିବାଦ କରିଥିଲେ । କେନ୍ଦ୍ର ସରକାର କୃଷି ଆଇନକୁ ବାତିଲ କରନ୍ତୁ ବୋଲି ଚାଷୀ ସଙ୍ଘ ଦାବି କରିଥିଲା ।
ସୂଚନାଥାଉକି, ସେପଟେ ଦିଲ୍ଲୀ ସୀମାରେ କୃଷି ଆଇନକୁ ବିରୋଧ କରି କୃଷକମାନେ ଧାରଣା ଦେଇଛନ୍ତି। କେନ୍ଦ୍ରସରକାର ସେମାନଙ୍କ ସହିତ ଆଲୋଚନା କରିବା ପାଇଁ ଆଜି ଦିନ ଧାର୍ଯ୍ୟ କରିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
