ଭୁବନେଶ୍ବର: ମହଙ୍ଗା ପଡିଲା ଡାକ୍ତରାଣୀଙ୍କ ସହ ପ୍ରେମ । ନିସ୍ତେଜକ ଡାକ୍ତରାଣୀଙ୍କ ସହ ପ୍ରେମ ପରି ଫସିଲେ ଡ୍ରାଇଭର। ଏମିତି ଜଣେ ରସିକିଆ ଯୁବକଙ୍କୁ ଗିରଫ କରିଛି ପୋଲିସ ।
ତେବେ ଗିରଫ ଯୁବକ ଜଣଙ୍କ ସାଲିଆ ସାହିର ଗାଡି ଡ୍ରାଇଭର। କେତେବେଳେ ଡାକ୍ତର ତ କେତେବେଳେ ନିଜକୁ ଆଇଏଏସ୍ର ପରିଚୟ ଦେଇଥାଆନ୍ତି ଏହି ଯୁବକ। ଏଭଳି ଭିନ୍ନ ଭିନ୍ନ ପରିଚୟ ଦେଇ ସେ ମାଟ୍ରିମୋନିଆଲ ସାଇଟରେ ଯୋଡୁଥିଲା ପ୍ରେମ ସମ୍ପର୍କ। ଆଉ ଡାକ୍ତରାଣୀଙ୍କୁ ବିବାହ କରିବାର ଆଶା ନେଇ ଫସିଗଲେ ଏହି ଯୁବକ ।
ତେବେ ନିଜକୁ ଏମ୍ସର ଡାକ୍ତର ପରିଚୟ ଦେଇଥିବା ଏହି ଯୁବକ ଜଣକ ମାଟ୍ରିମୋନିଆଲ ସାଇଟରେ ଡାକ୍ତର ପ୍ରୋଫାଇଲ ଷ୍ଟାଟସ ଦେଇଥିଲେ। ପରେ ଜଣେ ଡାକ୍ତରାଣୀ ତାଙ୍କ ସହ ପ୍ରୋଫାଇଲ ମ୍ୟାଚ କରି ବିବାହ ପାଇଁ କଥାବାର୍ତ୍ତା ଆରମ୍ଭ କରିଥିଲେ। ତେବ ଉକ୍ତ ଯୁବତୀ ଜଣକ ଅନଲାଇନର ତାଙ୍କ ଡିପାର୍ଟମେଣ୍ଟ ସମ୍ପର୍କରେ ପଚାରିବା ବେଳେ ସେ ସଠିକ୍ ଉତ୍ତର ଦେଇ ପାରିନଥିଲେ। ଯାହାକୁ ନେଇ ଯୁବତୀଙ୍କ ସନ୍ଦେହ ଘେରକୁ ଆସିଥିଲା ଯୁବକ । ପରେ ସେହି ଯୁବକ ଜଣେ ଡାକ୍ତର ନୁହେଁ ବଂର ତାହା ଏକ ଫେକ୍ ପ୍ରୋଫାଇଲ ବୋଲି ଜାଣିବାକୁ ପାଇଥିଲେ ଯୁବତୀ।
ଏହାର କିଛିଦିନ ପରେ ଫେକ୍ ପ୍ରୋଫାଇଲ୍ କରିଥିବା ଯୁବକ ନିଜକୁ ଆଇଏଏସ୍ ଅଫିସର ଦର୍ଶାଇ ପ୍ରୋଫାଇଲ ଷ୍ଟାଟସ ବଦଳାଇଥିଲେ । ଏହାପରେ ସେ ଡାକ୍ତରାଣୀଙ୍କ ସମ୍ପର୍କୀୟଙ୍କ ସହ ଅନଲାଇନରେ ଚାଟ୍ କରିଥିଲା। ପରେ ସେହି ଯୁବକକୁ ଏକ ସ୍ଥାନରେ ଭେଟିବାକୁ ଡକାଇଥିଲେ ସମ୍ପର୍କୀୟ। ଏହା ପୂର୍ବରୁ ସେ ଏହା ଏକ ଫେକ୍ ଆକାଉଣ୍ଟ ବୋଲି ଜାଣି ପୋଲିସକୁ ଖବର ଦେଇଥିଲେ । ସେଠାରେ ଠିକ୍ ସେହି ସମୟରେ ପୋଲିସ ଯୁବକକୁ କାବୁ କରିଥିଲା ।
ତେବେ ଗିରଫ ହୋଇଥିବା ଯୁବକ ବିରଞ୍ଚି ନାରାୟଣ ନାଥ । ତାଙ୍କ ଘର ଅନୁଗୋଳ ଛେଣ୍ଡିପଦାରେ । ସେ ଭୁବନେଶ୍ବର ସାଲିଆସାହିରେ ରହି ଡ୍ରାଇଭର ଭାବେ କାମ କରୁଥିଲା । ଏନେଇ ନୟାପଲି ଥାନାରେ ଅଭିଯୋଗ ଆଧାରରେ ସମ୍ପୃକ୍ତ ଯୁବକକୁ ଗିରଫ କରି କୋର୍ଟ ଚାଲାଣ କରିଛି କମିଶନରେଟ ପୋଲିସ । ଏହାସହ ସେ ବିବାହିତ ବୋଲି ମଧ୍ୟ ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
