ଭୁବନେଶ୍ବର : ଦେଶୀ ମଦ ମାଫିଆଙ୍କ ଭାଙ୍ଗୁଛି ଦମ୍ଭ। ନିଶାଡିଙ୍କ ଗଡରେ ଅବକାରୀ ବିଭାଗ। ଭୁବନେଶ୍ୱର ଅବକାରୀ ଫ୍ଲାଇଙ୍ଗ ସ୍କ୍ବାର୍ଡର ଜୋରଦାର ଚଢାଉ।
ଭୁବନେଶ୍ବର ଇନଫୋସିଟି ଥାନା ଚୁନୁକୋଳି ବସ୍ତି ଓ ଫୁଲେଶ୍ବରୀ ବସ୍ତିରେ ଚଢାଉ କରି ବିପୁଳ ପରିମାଣର ମଦ ଜବତ କରାଯାଇଛି । ୮ହଜାର ଲିଟର ପୋଚ ନଷ୍ଟ କରିବା ସହ ୧୦୦୦ଲିଟର ଦେଶୀ ମଦ ଜବତ କରିଛି ଫ୍ଲାଇଙ୍ଗ ସ୍କ୍ବାର୍ଡ । ଏହାସହ ୧୫ ଜଣଙ୍କୁ ଗିରଫ କରାଯାଇଛି ।
ଗିରଫ ହୋଇଥିବା ବ୍ୟକ୍ତି ମାନଙ୍କ ମଧ୍ଯରେ ୯ ଜଣ ମହିଳା ଥିବାବେଳେ ୬ଜଣ ପୁରୁଷ ରହିଛନ୍ତି। ତେବେ ଏସବୁ ଦେଶୀ ମଦକୁ ନିଜେ ଏମାନେ ମାଟି ତଳେ ପୋତି ତିଆରି କରୁଥିଲେ । ସେହିପରି ନିଜେ ଚାଉଳି ରାନ୍ଧି ପ୍ରସ୍ତୁତ ପରେ ରାଜଧାନୀର ବିଭିନ୍ନ ବସ୍ତିକୁ ସପ୍ଲାଏ କରୁଥିଲେ।
ଏହବି ପଢନ୍ତୁ :Officer Assault Case: କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁଙ୍କୁ ମିଳିଲା ଅନ୍ତରୀଣ ସୁରକ୍ଷା
ଫଳରେ ବସ୍ତିରେ ନିଶାର ଆସର ଜମୁଥିଲା। ଏନେଇ ଅବକାରୀ ଟିମ ସ୍ଥାନୀୟ ପୋଲିସ ସହାୟତାରେ ଏପରି ଚଢାଉ କରି ଗିରଫଦାରି ଜାରି ରଖିଛି । ଏନେଇ ମଦ ମାଫିଆଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ତେବେ ପୋଲିସ ଓ ଅବକାରୀ ବିଭାଗ( excise department) କେବଳ ଏଭଳି ମଦ ପ୍ରସ୍ତୁତ କରୁଥିବା ଲୋକଙ୍କୁ ଗିରଫ କରୁଛି । ଏହା ପଛର ମାଷ୍ଟର ମାଇଣ୍ଡଙ୍କ ତଥା ମଦମାଫିଆଙ୍କ ପାଖରେ ପହଞ୍ଚିପାରୁନି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
