ଭୁବନେଶ୍ବର: ଆଜି ପବିତ୍ର ସୁନାବେଶ । ଏହି ଅବସରରେ ରାଜଧାନୀ ଇସ୍କନ ମନ୍ଦିରରେ ସୁନାବେଶ ଦେଖିବାକୁ ଭକ୍ତଙ୍କ ଭିଡ ଦେଖିବାକୁ ମିଳିଛି । ଆଜି ଭଳି ପବିତ୍ର ଦିନରେ ଜଗତର ନାଥ ଜଗନ୍ନାଥ ନିଜ ଭଉଣୀ ଓ ବଡ଼ ଭାଇ ସହ ଭକ୍ତଙ୍କୁ ସୂନା ବେଶରେ ଦର୍ଶନ ଦେଇଥାନ୍ତି । ଅନ୍ୟପଟେ କୁହାଯାଏ ଯେ ଆଜିର ଦିନରେ ପ୍ରଭୁଙ୍କ ଦର୍ଶନ ଭାଗ୍ୟରେ ଥିଲେ ମିଳିଥାଏ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ସେଥିପାଇଁ ଆଜି ଖାଲି ଯେ ବଡ଼ଦାଣ୍ଡ ସଜବାଜ ହୋଇଛି ତାହା ନୁହେଁ ସ୍ମାର୍ଟସିଟି ଭୁବନେଶ୍ୱରରେ ଥିବା ଇସ୍କନ ମନ୍ଦିରରେ ମଧ୍ୟ ବ୍ୟାପକ ସାଜସଜା ସହ ପ୍ରସ୍ତୁତି ହୋଇଛି । ଇସ୍କନ ମନ୍ଦିରରେ ସୁନାବେଶ ଆରମ୍ଭ ହୋଇଥିବା ବେଳେ ବହୁ ଦୂରଦୂରାନ୍ତରରୁ ଭକ୍ତମାନେ ଏହି ପବିତ୍ର ସୁନାବେଶକୁ ଦେଖିବାକୁ ମନ୍ଦିର ପରିସରରେ ଭିଡ ଜମାଇଛନ୍ତି ।
ଭୁବନେଶ୍ବରରୁ ସତରୂପା ସାମନ୍ତରାୟ, ଇଟିଭି ଭାରତ
