ଭୁବନେଶ୍ବର: ଆଉ ଚଳିବନି ଘରୋଇ ସ୍କୁଲର ମନମାନି। ମନଇଛା ପୂରଣ କରିପାରିବେନି ସଂରକ୍ଷଣ ସିଟ୍ । ଅନ୍ଲାଇନ୍ ହେବ ଆର୍ଥିକ ଅନଗ୍ରସର ଛାତ୍ରଛାତ୍ରୀଙ୍କ ନାମଲେଖା। ଏହି ବ୍ୟବସ୍ଥାକୁ ଖୁବଶୀଘ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ଶୁଭାରମ୍ଭ କରିବା ପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରୟାସ ଆରମ୍ଭ କରିଛି। ବେସରକାରୀ ଶିକ୍ଷାନୁଷ୍ଠାନରେ ଆର୍ଥିକ ଦୁର୍ବଳ ଶ୍ରେଣୀର ଛାତ୍ରଛାତ୍ରୀଙ୍କର ସଂରକ୍ଷଣରେ ଆଉ ହୋଇପାରିବନି ଦୁର୍ନୀତି ।
ଏଣିକି ଅନ୍ଲାଇନ୍ ମାଧ୍ୟମରେ ହେବ ଘରୋଇ ସ୍କୁଲରେ ନାମଲେଖା
ଶିକ୍ଷା ଅଧିକାର ଆଇନ ଅନୁସାରେ ଯେଉଁ ସଂରକ୍ଷଣ ବ୍ୟବସ୍ଥା ରହିଛି ସେଇ ଅନୁସାରେ ଅନଲାଇନ ମାଧ୍ୟମରେ ନାମଲେଖା ପାଇଁ ବ୍ୟବସ୍ଥା କରାଯିବ। ଏଥିପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରୟାସ ଆରମ୍ଭ କରିଛି । ଏହି ବ୍ୟବସ୍ଥା ଦ୍ବାରା ଯେଉଁ ଆର୍ଥିକ ଅନଗ୍ରସର ଛାତ୍ରଛାତ୍ରୀ ଘରୋଇ ସ୍କୁଲରେ ପଢିବା ପାଇଁ ଚାହୁଁଥିବେ ସେମାନେ ଉପକୃତ ହୋଇପାରିବେ ବୋଲି ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ।
ଭୁବନେଶ୍ବରରୁ ବିକାଶ ଦାସ ଓ ତପନ ଦାସ, ଇଟିଭି ଭାରତ
