ଭୁବନେଶ୍ବର: ଆକ୍ସନ ମୁଡରେ କମିସନରେଟ ପୋଲିସ । ଏନକାଉଣ୍ଟର ପରେ ଥରହର ରାଜଧାନୀ । ଟେନସନ ଓ ଭୟରେ ଛୋଟ ବଡ ଅପରାଧୀ । ପ୍ରକାଶ ଯେ, ଦିର୍ଘ ୧୦ ଦିନ ଧରି କମିସନରେଟ ପୋଲିସର ନିଦ ହଜାଇଥିବା ଅପରାଧିଙ୍କୁ କମିସନରେଟ ପୋଲିସ ଏନକାଉଣ୍ଟର କରିଛି ।
ଖସିଯାଉଥିବା ଅପରାଧିଙ୍କୁ ରଙ୍ଗବଜାରଠାରେ କାବୁ ବେଳେ ଅପରାଧିଙ୍କ ଫାୟାରିଂ ଜବାବରେ ପାଲଟା ଫାୟରିଂ କରିଥିଲା କମିସନରେଟ ପୋଲିସ । ଶାନ୍ତିର ବାର୍ତ୍ତା ଦେଇ ସୁରକ୍ଷା ଯୋଗାଉଥିବା କମିସନରେଟ ପୋଲିସ ଲୋକଙ୍କ ସୁରକ୍ଷା ପାଇଁ କୌଣସି ସ୍ତରକୁ ଯାଇପାରେ । ଯାହାର ପ୍ରମାଣ ଶନିବାର ଭୋରରୁ ହୋଇଥିବା ଏନକାଉଣ୍ଟର ପରେ ମିଳିଛି । ଦିନ ତମାମ ଛିନତାଇ, ଲୁଟ ଡକାୟତି ନେଇ ରିପୋର୍ଟ କୌଣସି ଥାନାରେ ବି ହୋଇନି ।
ଡକାୟତି କାର୍ଯ୍ୟରେ ଲିପ୍ତ ଥିବା ଦୁର୍ବୃତ୍ତଙ୍କୁ ଛଡାଯିବନି ବୋଲି କହିଛନ୍ତି ପୋଲିସ କମିସନର । ଦୁଇ ଜଣଙ୍କୁ ଏନକାଉଣ୍ଟର ପରେ ସେମନଙ୍କଠାରୁ ମିଳିଥିବା ସୁରାକକୁ ଆଧାର କରି ବିଭିନ୍ନ ସ୍ଥାନରେ ସ୍ପେଶାଲ ସ୍କ୍ବାଡ ସହ ଅନ୍ଯ ଟିମ ରେଡ ଜାରି ରଖିଛନ୍ତି । ପୁରା ଗ୍ଯାଙ୍ଗଙ୍କୁ ଖୁବଶିଘ୍ର ଧରାଯିବା ସହ ଅପରାଧିଙ୍କ ଉପରେ କଡା ନଜର ରଖାଯାଇଥିବା କମିଶନର କହିଛନ୍ତି । ବିଭିନ୍ନ ଏଣ୍ଟ୍ରି ପଏଣ୍ଟ ଓ ଏକଜିଟ ପଏଣ୍ଟରେ ନଜର ରଖାଯିବା ସହ । ବିଟ ପାଟ୍ରୋଲିଂ, ଚେକିଂ, ବ୍ଲକିଂ ଉପରେ ଅଧିକ ଫୋକସ ରହିଥିବା କମିସନର କରିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
