ଭୁବନେଶ୍ବର: ଆଜି ଇଞ୍ଜିନିୟର ଦିବସ । ଏହି ଅବସରରେ ଇଷ୍ଟକୋଷ୍ଟ ରେଲୱେ ଇଞ୍ଜିନିୟର ଆସୋସିଏସନ ପକ୍ଷରୁ ଭୁବନେଶ୍ବର ସ୍ଥିତ ସ୍ଥାନୀୟ ରେଳ ବିହାର କମ୍ୟୁନିଟି ହଲ ପରିସରରେ ଇଞ୍ଜିନିୟର୍ସ ଡେ’ ପାଳିତ ହୋଇଯାଇଛି।
ଆୟୋଜିତ କାର୍ଯ୍ୟକ୍ରମରେ 'ରେଲୱେ ଇଞ୍ଜିନିୟର ମାନଙ୍କ ନିର୍ଦ୍ଧାରିତ ଲକ୍ଷ୍ୟ' ବିଷୟବସ୍ତୁ ଉପରେ ଆଲୋଚନା କରାଯାଇଥିଲା । ଯେଉଁଥିରେ ଇଞ୍ଜିନିୟରମାନେ ନିଜ ଲକ୍ଷ୍ୟ ପୂରଣ ପାଇଁ ସମ୍ମୁଖୀନ ହେଉଥିବା ସମସ୍ତ ବାଧାବିଘ୍ନ ପ୍ରତି ଦୃଷ୍ଟି ଆକର୍ଷଣ କରିଥିଲେ । ଏଥିସହିତ ଆବଶ୍ୟକତା ଠାରୁ କମ୍ ଲୋକବଳ ଥିଲେ ମଧ୍ୟ ସେମାନେ ନିଜର ଦକ୍ଷତା ପ୍ରତିପାଦନ କରୁଥିବା କହିଥିଲେ ।
ରେଲୱେରେ କାର୍ଯ୍ୟରତ ଇଞ୍ଜିନିୟରମାନେ ସର୍ବଦା ଲୋକଙ୍କ ହିତ ପାଇଁ କାର୍ଯ୍ୟ କରି ଆସୁଛନ୍ତି । ଏ ସବୁ ସତ୍ତ୍ବେ ଅନ୍ୟ ସରକାରୀ ସଂସ୍ଥାରେ ଇଞ୍ଜିନିୟର ମାନଙ୍କୁ ଦିଆଯାଉଥିବା ସୁବିଧା ରେଲୱେ ବିଭାଗରେ ଦିଆନଯାଉଥିବା ଅଭିଯୋଗ କରିଥିଲେ ।
ତେବେ ଆଜିର ଏହି କାର୍ଯ୍ୟକ୍ରମରେ ଇଷ୍ଟ କଷ୍ଟ ରେଲୱେର ମହାପ୍ରବନ୍ଧକ ଇଂ ବିଦ୍ୟାଭୂଷଣ ମୁଖ୍ୟ ଅତିଥି ଭାବେ ଯୋଗ ଦେଇଥିବାବେଳେ ରେଳ ବିଭାଗର ଅନ୍ୟ ଅଧିକାରୀମାନେ ଉପସ୍ଥିତ ଥିଲେ । ଇଞ୍ଜିନିୟର ମାନେ ଆଣିଥିବା ଅଭିଯୋଗର ସମାଧାନ କରିବା ପାଇଁ ପ୍ରତିଶ୍ରୁତି ଦେଇଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
