ଭୁବନେଶ୍ବର: ପୂର୍ବତଟ ରେଳପଥରେ ପୁନଃ ଚଳାଚଳ କରିବ ସମସ୍ତ ଏକ୍ସପ୍ରେସ ଟ୍ରେନ । ଖୁବଶୀଘ୍ର ଭୁବନେଶ୍ବର-ଧାନବାଦ୍-ଭୁବନେଶ୍ବର ଗରିବ ରଥ ଚଳାଚଳ ପାଇଁ ନିଷ୍ପତ୍ତି ହୋଇଛି । ୬ ଅଗଷ୍ଟ ୨୦୨୨ ରୁ ପୁରୀ-ଦିଘା-ପୁରୀ ଏକ୍ସପ୍ରେସ ଚାଲିବ । ଅଗଷ୍ଟ ୭ ତାରିଖରୁ ବିଶାଖାପାଟନମ୍- ପାରାଦୀପ-ବିଶାଖାପାଟନମ୍ ଏକ୍ସପ୍ରେସ ଗଡବ । ଆସନ୍ତା ୧୩ ଅଗଷ୍ଟରୁ ବିଶାଖାପାଟନମ୍-ଦୁର୍ଗ-ବିଶାଖାପାଟନମ୍ ଏବଂ ଅକ୍ଟୋବର ୨ରୁ ପୁରୀ-ହାଓଡ଼ା-ପୁରୀ ଶତାବ୍ଦୀ ଏକ୍ସପ୍ରେସ ଚଳାଚଳ କରିବ । ସଂଶୋଧିତ ଟ୍ରେନ୍ ନମ୍ବରରେ ଚାଲିବ କଟକ-ଗୁଣୁପୁର-କଟକ ଟ୍ରେନ ।
ଯାତ୍ରୀମାନଙ୍କର ଚାହିଦା ଏବଂ ସାଧାରଣ ଜନତାଙ୍କ ସୁବିଧା ପାଇଁ କୋଭିଡ ଲକଡାଉନ୍ ଠାରୁ ବାତିଲ କରାଯାଇଥିବା ପୂର୍ବତଟ ରେଳପଥର ଚାରି ଯୋଡ଼ା ଏକ୍ସପ୍ରେସ ଟ୍ରେନର ସେବାକୁ ପୁନଃ ପ୍ରଚଳନ କରିବାକୁ ନିଷ୍ପତ୍ତି ନିଆଯାଇଛି । 22890/22889 ପୁରୀ-ଦିଘା-ପୁରୀ ଏକ୍ସପ୍ରେସ ପୁରୀରୁ ଆସନ୍ତା ୬ ତାରିଖ ଠାରୁ ପ୍ରତି ଶନିବାର ରାତ୍ରି ୯ଟା ୫ମିନିଟରେ ଛାଡିବାକୁ ଥିବାବେଳେ ଦିଘାରୁ ୭ ତାରିଖ ଠାରୁ ପ୍ରତି ରବିବାର ସନ୍ଧ୍ୟା ୫ଟା ୨୫ମିନିଟରେ ଛାଡିବ ।
22810/22809 ବିଶାଖାପାଟନମ୍-ପାରାଦୀପ-ବିଶାଖାପାଟନମ୍ ଏକ୍ସପ୍ରେସ ବିଶାଖାପାଟନମରୁ ୭ ତାରିଖ ଠାରୁ ପ୍ରତି ରବିବାର ରାତ୍ରି ୧୧ଟା ୪୫ ମିନିଟରେ ଛାଡିବାକୁ ଥିବାବେଳେ ପାରାଦୀପରୁ ପ୍ରତି ସୋମବାର ରାତ୍ରି ୧୦ଟା ୨୫ମିନିଟରେ ଛାଡିବ ।
18530/18529 ବିଶାଖାପାଟନମ୍-ଦୁର୍ଗ-ବିଶାଖାପାଟନମ୍ ଏକ୍ସପ୍ରେସ ବିଶାଖାପାଟନମରୁ ୧୩ ତାରିଖ ଠାରୁ ଅପରାହ୍ନ ୪ଟା ୫୫ ମିନିଟରେ ଛାଡିବାକୁ ଥିବାବେଳେ ଦୁର୍ଗରୁ ୧୪ ତାରିଖ ଠାରୁ ସନ୍ଧ୍ୟା ୬ଟା୩୦ମିନିଟରେ ଛାଡିବ ।
12278/12277 ପୁରୀ-ହାଓଡ଼ା-ପୁରୀ ଶତାବ୍ଦୀ ଏକ୍ସପ୍ରେସ ଆସନ୍ତା ଅକ୍ଟୋବର ୨ ତାରିଖ ଠାରୁ ପୁରୀରୁ ସକାଳ ୫ଟା ୪୫ ମିନିଟରେ ଛାଡିବାକୁ ଥିବାବେଳେ ହାଓଡ଼ା ଠାରୁ ଅପରାହ୍ନ ୨ଟା ୧୫ ମିନିଟରେ ଛାଡିବ ।
କଟକ-ଗୁଣୁପୁର-କଟକ ଟ୍ରେନ୍ ସଂଶୋଧିତ ନମ୍ବର ସହିତ ଚଳାଚଳ କରିବ :
ଯାତ୍ରୀମାନଙ୍କ ସୁବିଧା ପାଇଁ କଟକ-ଗୁଣୁପୁର-କଟକ ଏକ୍ସପ୍ରେସକୁ ପାସେଞ୍ଜର ସ୍ପେଶାଲ ଭାବରେ ଚଳାଇବାକୁ ମଧ୍ୟ ନିଷ୍ପତ୍ତି ନିଆଯାଇଛି । ଫଳସ୍ବରୂପ, ଟ୍ରେନ୍ ନମ୍ବର 18443/18444 କଟକ-ଗୁଣୁପୁର-କଟକ ଏକ୍ସପ୍ରେସକୁ 08421/08422 କଟକ-ଗୁଣୁପୁର-କଟକ ପାସେଞ୍ଜର ବିଶେଷ ଟ୍ରେନ ଭାବରେ ଚଲାଇବା ପାଇଁ ସଂଶୋଧିତ କରାଯାଇଛି | ଏହା ୫ ତାରିଖ ଠାରୁ କଟକରୁ ଏବଂ ୬ ତାରିଖ ଠାରୁ ଗୁଣୁପୁରରୁ କାର୍ଯ୍ୟକାରୀ କରାଯିବ ।
08421 କଟକ-ଗୁଣୁପୁର ପାସେଞ୍ଜର ସ୍ପେଶାଲ କଟକରୁ ଅପରାହ୍ନ ୫ଟା ୩୦ ମିନିଟରେ ଗୁଣୁପୁର ଅଭିମୁଖେ ଯାତ୍ରା କରିବ । ପ୍ରତ୍ୟାବର୍ତ୍ତନ ମାର୍ଗରେ ଗୁଣୁପୁରରୁ 08422 ଗୁଣୁପୁର-କଟକ ପାସେଞ୍ଜର ସ୍ପେଶାଲ ରାତ୍ରି ୨ଟା ୪୫ ମିନିଟରେ କଟକ ଅଭିମୁଖେ ଯାତ୍ରା କରିବ ।
ରାଉରକେଲା-ଭୁବନେଶ୍ବର ଇଣ୍ଟର ସିଟି ଏବଂ ଇସ୍ପାତ ଏକ୍ସପ୍ରେସରେ ଏସି-3 ଟାୟାର ସଂଯୋଗ :
ଯାତ୍ରୀମାନଙ୍କ ସୁବିଧା ପାଇଁ ୧୫ ଅଗଷ୍ଟ ୨୦୨୨ ରୁ ଭୁବନେଶ୍ବର -ରାଉରକେଲା-ଭୁବନେଶ୍ବର ଇଣ୍ଟର ସିଟି ଏବଂ ହାଓଡ଼ା-ଟିଟିଲାଗଡ / କାଣ୍ଟାବାଞ୍ଜୀ-ହାଓଡ଼ା ଇସ୍ପାତ ଏକ୍ସପ୍ରେସରେ ଏସି-3 ଟାୟାର କୋଚର ସୁବିଧା ପ୍ରଦାନ କରାଯିବାକୁ ନିଷ୍ପତ୍ତି ନିଆଯାଇଛି ।
22839/22840 ରାଉରକେଲା-ଭୁବନେଶ୍ବର -ରାଉରକେଲା ଇଣ୍ଟର ସିଟି ଏକ୍ସପ୍ରେସ ରେ ଉଭୟ ଦିଗରୁ ୧୫ ଅଗଷ୍ଟ, ୨୦୨୨ ଠାରୁ ଗୋଟିଏ AC-3 ଟାୟାର୍ କୋଚ୍ ସଂଯୋଗ କରାଯିବ |
12871/12872 ହାଓଡ଼ା-ଟିଟିଲାଗଡ଼-ହାଓଡ଼ା ଇସ୍ପାତ ଏକ୍ସପ୍ରେସ ଆସନ୍ତା ୧୫ ଅଗଷ୍ଟ ଠାରୁ ହାଓଡ଼ାରୁ ଏବଂ ୧୬ ଅଗଷ୍ଟ ଠାରୁ ଟିଟିଲାଗଡରୁ ଗୋଟିଏ AC-3 ଟାୟାର୍ କୋଚ୍ ସଂଯୋଗ କରାଯିବ ।
22861/22862 ହାଓଡ଼ା-କଣ୍ଟାବାଞ୍ଜି-ହାଓଡ଼ା ଇସ୍ପାତ ଏକ୍ସପ୍ରେସ ୧୬ ଅଗଷ୍ଟ ଠାରୁ ହାଓଡ଼ାରୁ ଏବଂ ୧୭ ଅଗଷ୍ଟ ଠାରୁ କଣ୍ଟାବାଞ୍ଜିରୁ ଗୋଟିଏ AC-3 ଟାୟାର୍ କୋଚ୍ ସଂଯୋଗ କରାଯିବ ।
ବିଶାଖାପାଟନମ୍-କୋଲାମ ଏବଂ ବିଶାଖାପାଟନମ୍-ଟାଟା ଏକ୍ସପ୍ରେସ୍ ଏଲଏଚବି କୋଚ ସହିତ ଚଳାଚଳ କରିବ:
18567/18568 ବିଶାଖାପାଟନମ୍-କୋଲାମ-ବିଶାଖାପାଟନମ୍ ଏକ୍ସପ୍ରେସ ବିଶାଖାପାଟନମ୍ ରୁ ୧୧ ତାରିଖ ଠାରୁ ଏବଂ କୋଲାମରୁ ୧୨ ତାରିଖ ଠାରୁ ଆଧୁନିକ ଏଲଏଚବି କୋଚ୍ ସହିତ ଚଳାଚଳ କରିବ ।
ସେହିପରି 20816/20815 ବିଶାଖାପାଟନମ୍-ଟାଟା-ବିଶାଖାପାଟନମ୍ ଏକ୍ସପ୍ରେସ୍ ବିଶାଖାପାଟନମରୁ ୧୪ ଅଗଷ୍ଟ ଠାରୁ ଏବଂ ଟାଟାରୁ ୧୫ ତାରିଖ ଠାରୁ ଆଧୁନିକ ଏଲଏଚବି କୋଚ୍ ସହିତ ଚଳାଚଳ କରିବ ।
ଇଟିଭି ଭାରତ, ଭୁବନେଶ୍ବର
