ଭୁବନେଶ୍ବର: କଟକ ପରେ ଭୁବନେଶ୍ବରରେ ନକଲି କାରଖାନା ଠାବ। ନକଲି ଘିଅ ଓ ତେଲ କାରଖାନା ଉପରେ ଚଢ଼ାଉ। ଏୟାରଫିଲଡ଼ ଥାନା କୈବଲ ବିହାରରେ ଚଢ଼ାଉ। କମିଶନରେଟ ପୋଲିସର କ୍ୟୂଏଟି ଓ ଏୟାରଫିଲଡ଼ ଥାନା ପକ୍ଷରୁ ଚଢ଼ାଉ ଜାରି। ବିପୁଳ ପରିମାଣର ନକଲି ସାମଗ୍ରୀ ଜବତ। ସୁନ୍ଦରପଦାର ତ୍ରୀଲୋଚନ ବିହାରରେ ଚଢାଉ କରାଯାଇଛି । ଅଭିମନ୍ୟୁ ପୃଷ୍ଟି ନାମକ ଜଣେ ବ୍ୟକ୍ତିଙ୍କ ଗୋଦାମରେ ଚଢାଉ କରାଯାଇଛି ।
ପାଖାପାଖି 5 କ୍ବିଣ୍ଟାଲର ସାମଗ୍ରୀ ଜବତ କରାଯାଇଛି । ବ୍ରାଣ୍ଡ ନାଁରେ ବିକ୍ରି କରୁଥିଲେ ନକଲି ସାମଗ୍ରୀ । ବାଲାଜୀ ନଡିଆ ତେଲ, ଦୁର୍ଗା ଘିଅ, ନଡିଆ ତେଲଠାରୁ ଆରମ୍ଭ କରି ବିଭିନ୍ନ ଘିଅ ଓ ତେଲର ନକଲି ସାମଗ୍ରୀ ପ୍ରସ୍ତୁତ କରାଯାଉଛି । ପାମୋଲିନ୍ ତେଲ ସହ କେମିକାଲ୍ ମିଶାଇ ନକଲି ଘିଅ ପ୍ରସ୍ତୁତ କରାଯାଉଥିଲା । କମିଶନରେଟ ପୋଲିସର କ୍ବିକ୍ ଆକ୍ସନ ଟିମ୍ ଚଢାଉ କରି ସାମଗ୍ରୀ ଜବତ କରିଛି । ଏଥିରେ ଏରୋଡମଫିଲଡ ପୋଲିସ ମଧ୍ୟ ସାହାଯ୍ୟ କରିଛି ।
ଚଢାଉ କରିବା ପରେ ପୋଲିସ ବିଭିନ୍ନ ଧାରା ଅଧିନରେ ଯାଞ୍ଚ ଆରମ୍ଭ କରିଛି । ବିନା ଟ୍ରେଡ୍ ଲାଇସେନ୍ସରେ କାରବାର, ବେଆଇନ ଭାବେ ବ୍ରାଣ୍ଡର ନାମ ବ୍ୟବହାର କରିବା ଆଦି ଅଭିଯୋଗରେ ମାମଲା ରୁଜୁ କରିଛି ପୋଲିସ । ତେବେ କଟକ ନକଲି ସାମଗ୍ରୀର ହବ୍ ସାଜିଥିବା ବେଳେ 2021 ଆରମ୍ଭରେ ଭୁବନେଶ୍ବରରେ ପ୍ରଥମ ନକଲି ଘିଅ କାରଖାନା ଠାବ ହୋଇଛି । କଟକରେ ପ୍ରାୟ 20ଟି କେସରେ 26 ଜଣଙ୍କୁ ଗିରଫ କରାଯାଇଥିଲା । ଭୁବନେଶ୍ବରରେ ଏଭଳି କାରଖାନା ଠାବ ହେବା ପରେ କମିଶନରେଟ ପୋଲିସ କଣ ପଦକ୍ଷେପ ନେଉଛି ତାହା ଦେଖିବା ବାକି ରହିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
