ଭୁବନେଶ୍ବର : ପ୍ରଧାନମନ୍ତ୍ରୀଙ୍କ ଦୀର୍ଘାୟୁ କାମନା କରି ପ୍ରଭୁ ଲିଙ୍ଗରାଜଙ୍କ ପାଖରେ ଦୀପଦାନ କରିଛି ବିଜେପି । ଏହା ସହ ମହାମୃତ୍ୟୁଞ୍ଜୟ ମନ୍ତ୍ର ଜପ କରିଛି ଦଳ। ପ୍ରଧାନମନ୍ତ୍ରୀ ସୁସ୍ଥ ରହିବା ସହ ଏହିଭଳି ଭାବରେ ଦେଶସେବା ଜାରି ରଖିଥାନ୍ତୁ ବୋଲି ଦଳ କହିଛି। ଦଳ କହିଛି ଯେ କଂଗ୍ରେସ ସରକାର ପ୍ରଧାନମନ୍ତ୍ରୀଙ୍କ ସୁରକ୍ଷା ସହିତ ନୁହେଁ ବରଂ ସମଗ୍ର ଦେଶର ସୁରକ୍ଷା ସହିତ ଖେଳିଛନ୍ତି। ଦେଶର ଲୋକମାନେ ଏହାକୁ କ୍ଷମା କରିବେ ନାହିଁ ବୋଲି ଦଳ କହିଛି ।
ସେ ସମସ୍ତ ଘଟଣାକୁ ବିଜେପି ନନ୍ଦା କରିଛି। କେନ୍ଦ୍ର ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ, ବିଜେପିର ରାଜ୍ୟ ସଭାପତି ସମୀର ମହାନ୍ତି, ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର ପ୍ରମୁଖ ବିଜେପି ନେତା ଏକାଠି ହୋଇ ପ୍ରଧାନମନ୍ତ୍ରୀଙ୍କ ଦୀର୍ଘାୟୁ କାମନା କରିଛନ୍ତି ।
ତାଙ୍କର ସୁରକ୍ଷିତ ଜୀବନ ପାଇଁ ଲିଙ୍ଗରାଜଙ୍କ ପାଖରେ ଦୀପଦାନ କରିଛନ୍ତି। ସେହିପରି ବିଜେପି ନେତା ତଥା ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ଦିଲ୍ଲୀ ସ୍ଥିତ ଦେବୀ ମନ୍ଦିରରେ ପୂଜାର୍ଚ୍ଚନା କରିଥିଲେ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
