ଭୁବନେଶ୍ବର: ଅଯୋଧ୍ୟା ମାମଲା ଶୁଣାଣିକୁ ନେଇ ସାରା ଦେଶର ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଏହି ପରିପ୍ରେକ୍ଷୀରେ ରାଜ୍ୟରେ ଶାନ୍ତି ଶୃଙ୍ଖଳା ଓ ସାମ୍ପ୍ରଦାୟିକ ସଦଭାବନା ବଜାୟ ରଖିବାକୁ ବ୍ୟାପକ ପ୍ରସ୍ତୁତି କରାଯାଇଛି। ଏଥିପାଇଁ କିଛି ଦିନ ଆଗରୁ ସମ୍ବେଦନଶୀଳ ଜିଲ୍ଲାରେ ସତର୍କତା ମୂଳକ ପଦକ୍ଷେପ ନିଆଯାଇଥିଲା।
ଜିଲ୍ଲାର ଏସପିଙ୍କ ନେତୃତ୍ବରେ ନିଜେ ସୁରକ୍ଷାର ତଦାରଖ କରାଯିବା ସହ ସିନିୟର ଅଫିସର ମାନେ ଆଲର୍ଟ ରହି ନଜର ରଖିଛନ୍ତି । ବରିଷ୍ଠ ଓ ମାନ୍ୟଗଣ୍ୟ ବ୍ୟକ୍ତିଙ୍କ ମାଧ୍ୟମରେ ଯୋଗାଯୋଗ କରାଯାଇ ଶାନ୍ତି ବଜାୟ ରଖାଯିବାକୁ ବିଚାରବିମର୍ଷ କରାଯାଇଛି ।
ପରିସ୍ଥିତି ବର୍ତ୍ତମାନ ସୁଦ୍ଧା ଶାନ୍ତିପୂର୍ଣ୍ଣ ରହିଛି ବୋଲି ପ୍ରତିକ୍ରିୟା ଦେଇଛନ୍ତି ପୋଲିସ ଡିଜି । ଷ୍ଟାଟିକ ପୋଷ୍ଟ ସହ ଓଡିଶା ପୋଲିସ ପକ୍ଷରୁ ଆବଶ୍ୟକ ଫୋର୍ସ ଅନୁଯାୟୀ ମୁତୟନ କରାଯାଇଛି। ଆବଶ୍ୟକ ପଡିଲେ ରିଜର୍ଭ ପୋଲିସ ମୁତୟନ କରିବାକୁ ଯୋଜନା ରହିଛି।
ସୋସିଆଲ ମିଡିଆ ଉପରେ ସ୍ବତନ୍ତ୍ର ନଜର ରଖାଯାଇଛି। ତେବେ ରାୟକୁ ସମସ୍ତେ ଗ୍ରହଣ କରିବେ ଏହା ଦ୍ବାରା କୌଣସି ଶାନ୍ତିଶୃଙ୍ଖଳା ଭଙ୍ଗ ହେଲେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ଡିଜି ପ୍ରତିକ୍ରିୟା ରଖିଛନ୍ତି।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
