ଭୁବନେଶ୍ବର: ସାଧାରଣ ପ୍ରଶାସନ ବିଭାଗକୁ ଉଚ୍ଚଶିକ୍ଷା ବିଭାଗର ଚିଠି । ବିଗତ ୧୦ ବର୍ଷ ମଧ୍ୟରେ ଓଡିଶାରୁ କେତେ ପିଲା UPSC ଦ୍ବାରା ପରିଚାଳିତ ସିଭିଲ ସର୍ଭିସ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି ଏବଂ କେଉଁ ବର୍ଷରେ କେତେ ଜଣ ପାସ୍ କରିଛନ୍ତି, ତାହାର ତଥ୍ୟ ମାଗିଛି ଉଚ୍ଚଶିକ୍ଷା ବିଭାଗ । ଯାହାଦ୍ବାରା ପିଲା କିପରି ଅଧିକ ମାତ୍ରାରେ ସିଭିଲ ସର୍ଭିସ ପରୀକ୍ଷା ପ୍ରତି ଆଗ୍ରହୀ ହେବେ ସେନେଇ ପଦକ୍ଷେପ ନିଆଯାଇପାରିବ ।
ପୂର୍ବରୁ ତଥ୍ୟ ମଗାଯାଇଥିଲେ ମଧ୍ୟ ତଥ୍ୟ ଦେଇନଥିଲା ସାଧାରଣ ପ୍ରଶାସନ ବିଭାଗ । ଯେଉଁଥିପାଇଁ ପୁଣି ଥରେ ଉଚ୍ଚଶିକ୍ଷା ବିଭାଗ ଚିଠି ଲେଖି ତଥ୍ୟ ମାଗିଛି । ୧୦ ବର୍ଷ ମଧ୍ୟରେ କେତେ ପିଲା ପାସ୍ କରିଛନ୍ତି, କେଉଁ ବର୍ଷ କେତେ ସଂଖ୍ୟା ? ସେ ସମ୍ପର୍କରେ ଜଣାଇବାକୁ କୁହାଯାଇଛି । ଯଦ୍ବାରା ସିଭିଲ ସର୍ଭିସ ଆକାଂକ୍ଷୀଙ୍କ ପାଇଁ ନୂତନ ସ୍କିମ୍ ଜରିଆରେ କୋଚିଂ ବ୍ୟବସ୍ଥା କରାଯାଇପାରିବ । ଫଳରେ ସର୍ବଭାରତୀୟ ସ୍ତରରେ ସଭିଲ ସର୍ଭିସରେ ଉତ୍ତୀର୍ଣ୍ଣଙ୍କ ସଂଖ୍ୟା ବୃଦ୍ଧି ହୋଇପାରିବ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
