ଭୁବନେଶ୍ବର: ରାଜ୍ୟରେ କମୁନାହିଁ କୋରୋନା ମୃତ୍ୟୁର ତାଣ୍ଡବ। ଆଜି(ବୁଧବାର) ରାଜ୍ୟରେ ଆଉ 69 ଜଣଙ୍କ ଜୀବନ ନେଇଛି କିଲର କୋରୋନା । ଖୋର୍ଦ୍ଧାରୁ ସର୍ବାଧିକ 22 ଜଣଙ୍କ ଜୀବନ ଯାଇଛି ।
ଆଜିର ମୃତକଙ୍କ ମଧ୍ୟରେ ଅନୁଗୋଳରୁ 6 ଜଣ, ବାଲେଶ୍ବରରୁ 3ଜଣ, ବରଗଡରୁ ୭ଜଣ, ଭଦ୍ରକରୁ ୨ଜଣ, ବୌଦ୍ଧରୁ ୨, ସୁନ୍ଦରଗଡରୁ ୧୦ଜଣ, କଟକ ୨ଜଣ, ଗଞ୍ଜାମରୁ ୨ଜଣ, ସେହିପରି କେନ୍ଦୁଝର ୫ଜଣ, କୋରାପୁଟ ଜଣେ ଆକ୍ରାନ୍ତଙ୍କ ମୃତ୍ୟୁ ହୋଇଛି ।
ଅନ୍ୟପଟେ ପୁରୀରୁ ୨ଜଣ, ନୟାଗଡରୁ ୨ଜଣ, ସୁବର୍ଣ୍ଣପୁରରୁ ଜଣେ ଆକ୍ରାନ୍ତଙ୍କ ଜୀବନ ନେଇଛି ମାହାମାରୀ । ଏହା ସହିତ ରାଜ୍ୟରେ କୋରୋନାଜନିତ ମୃତ୍ୟୁସଂଖ୍ୟା 5241କୁ ବୃ୍ଦ୍ଧି ହୋଇଛି । ରାଜ୍ୟରେ ସମୁଦାୟ ପଜିଟିଭ ସଂଖ୍ୟା ୯,୫୯, ୯୮୬ରେ ପହଞ୍ଚିଥିବା ବେଳେ ୯,୩୫୦୦୭ ଜଣ ସୁସ୍ଥ ହୋଇ ସାରିଲେଣି। ଏହାବାଦ ରାଜ୍ୟରେ ୧୯, ୬୮୫ ଆକ୍ଟିଭ କେସ୍ ରହିଛି।
ରାଜ୍ୟରେ ଆଜି ଦୁଇ ହଜାର ତଳେ ରହିଛି ଦୈନିକ ସଂକ୍ରମିତଙ୍କ ସଂଖ୍ୟା । ସଂକ୍ରମଣ କମିଛି ହେଲେ ବିପଦ ଟଳିନାହିଁ । ଲୋକଙ୍କ ସୁରକ୍ଷାକୁ ଦୁଷ୍ଟିରେ ରଖି ଅଗଷ୍ଟ ପହିଳା ଯାଏଁ ଆଂଶିକ କଟକଣା ବଳବତ୍ତର ରହିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
