ଭୁବନେଶ୍ବର: ରାଜ୍ୟରେ କ୍ରମାଗତ ଭାବେ ସଂକ୍ରମଣ ହ୍ରାସ ପାଉଥିବାବେଳେ 40ରୁ ଖସୁନାହିଁ କୋରୋନା ମୃତ୍ୟୁ ସଂଖ୍ୟା । ଆଜି(ଗୁରୁବାର) ରାଜ୍ୟରେ ପୁଣି 44 ଜଣଙ୍କ ଜୀବନ ନେଲା କିଲର ଭାଇରସ । ନୂଆ ଆକ୍ରାନ୍ତଙ୍କୁ ମିଶାଇ 3 ହଜାର 167କୁ ବୃଦ୍ଧି ହୋଇଥିବା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି ।
ଅନୁଗୋଳ ଜିଲ୍ଲାରୁ 4 ଜଣଙ୍କର ମୃତ୍ୟୁ ଘଟିଥିବାବେଳେ ବଲାଙ୍ଗୀରରୁ 3 ଜଣ, ବରଗଡରୁ 4 ଜଣ, ବୌଦ୍ଧରୁ ଜଣେ, ଭୁବନେଶ୍ବରରୁ 4 ଜଣ, କଟକରୁ ମଧ୍ୟ 4 ଜଣ, ଦେବଗଡ, ଢେଙ୍କାନାଳ ଓ ଯାଜପୁରରୁ ଜଣେ, ଝାରସୁଗୁଡାରୁ 4 ଜଣ, ଖୋର୍ଦ୍ଧାରୁ ଜଣେ, କଳାହାଣ୍ଡିରୁ 3 ଜଣ, କେନ୍ଦ୍ରାପଡାରୁ ଜଣେ, ମୟୂରଭଞ୍ଜରୁ 2 ଜଣ, ପୁରୀ ଓ ରାୟଗଡ଼ାରୁ 3 ଜଣ, ସମ୍ବଲପୁରରୁ ଜଣେ, ସୁନ୍ଦରଗଡରୁ 3 ଜଣଙ୍କର ମୃତ୍ୟୁ ହୋଇଛି ।
ନୂଆ ମୃତକଙ୍କ ମଧ୍ୟରୁ 34 ଜଣ ପୁରୁଷ ରହିଥିବାବେଳେ 10 ଜଣ ମହିଳା ଥିବା ଜଣାପଡିଛି । ସେପଟେ ରାଜ୍ୟରେ ଲକଡାଉନ ଜାରି ରହିଥିବାବେଳେ ହ୍ରାସ ପାଇବାରେ ଲାଗିଛି ସଂକ୍ରମଣଙ୍କ ସଂଖ୍ୟା ।
ବ୍ୟୁରୋ ରିପୋର୍ଟ, ଇଟିଭି ଭାରତ
