ଭୁବନେଶ୍ବର: ନନ୍ଦନକାନନ ଥାନା ଅଞ୍ଚଳ ଏକ ଫାର୍ମ ହାଉସ୍ ପୋଖରୀରୁ ଯୁବତୀଙ୍କ ମୃତଦେହ ଉଦ୍ଧାର । ମୃତ ଯୁବତୀ ଜଣକ ଜଣେ ପ୍ରଫେସରଙ୍କ ଝିଅ ହୋଇଥିବା ସୂଚନା । ତେବେ ମୃତ ଛାତ୍ରୀ ଜଣକ ଓୟୁଏଟିରେ ପାଠ ପଢୁଥିବା ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଫାର୍ମ ହାଉସ ପୋଖରୀରୁ OUAT ଛାତ୍ରୀଙ୍କ ମୃତଦେହ ଉଦ୍ଧାର
ସୂଚନା ଅନୁଯାୟୀ ଆଜି(ଶୁକ୍ରବାର) ଭୁବନେଶ୍ବର ସ୍ଥିତ ନନ୍ଦନକାନନ ଥାନା ଅଞ୍ଚଳ ସ୍ଥିତ ଏକ ଫାର୍ମ ହାଉସରୁ ଓୟୁଏଟି ଛାତ୍ରୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଛାତ୍ରୀଙ୍କ ନାମ କାମିନୀ ପ୍ରିୟଦର୍ଶିନୀ । ପରୀକ୍ଷା ଫଳ ଖରାପକୁ ନେଇ ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉ ଥିବାବେଳେ ପରିବାର ଲୋକେ ଏହାକୁ ଖଣ୍ଡନ କରିଛନ୍ତି । ଫାର୍ମ ହାଉସ ପାଚେରୀ ଉଚ୍ଚ ଥିବାରୁ ଏହାକୁ ଡେଇଁ ଆତ୍ମହତ୍ୟା କରିବା ଅସମ୍ଭବ ବୋଲି ପରିବାର ଲୋକେ କହିଛନ୍ତି । ତେବେ ଘଟଣାସ୍ଥଳରେ ପୋଲିସ ତଦନ୍ତ ଜାରିରଖି ଥିବାବେଳେ ଏହା ଆତ୍ମହତ୍ୟା ନା ସୁକଳ୍ପିତ ହତ୍ୟାକାଣ୍ଡ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ଫାର୍ମ ହାଉସ ପୋଖରୀରୁ OUAT ଛାତ୍ରୀଙ୍କ ମୃତଦେହ ଉଦ୍ଧାର
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
