ଭୁବନେଶ୍ବର: ବଲିଉଡ ଅଭିନେତା ଅକ୍ଷୟ କୁମାରଙ୍କୁ ଟ୍ରାଫିକ ନିୟମ ଶିକ୍ଷାଇଲେ ଟ୍ରାଫିକ ଡିସିପି ସାଗରିକା ନାଥ। ଖିଲାଡ଼ି ବୟ ଅକ୍ଷୟ କୁମାର ନିଜର ଫିଲ୍ମ ସୂର୍ଯ୍ୟବଂଶୀର ଟ୍ରେଲରକୁ ନିଜ ଟ୍ବିଟର ଆକାଉଣ୍ଟ ଜରିଆରେ ପୋଷ୍ଟ କରିଥିଲେ । ଯେଉଁଥିରେ ସେ ବାଇକରେ ଅନେକ ଷ୍ଟଣ଼୍ଟ ଦେଖାଉଥିଲେ ମଧ୍ୟ ହେଲମେଟ ନପିନ୍ଧି ନଜରରେ ଆସିଛନ୍ତି ।
ଡିସିପି ସାଗରିକା ଏହି ଟ୍ରେଲରକୁ ରିଟ୍ବିଟ କରିବା ସହ ଏହା ଯୁବ ବର୍ଗ ପାଇଁ ନକରାତ୍ମକ ସନ୍ଦେଶ ବୋଲି କହିଛନ୍ତି । ମୁଁ ଆପଣଙ୍କର ଅନେକ ଚଳଚ୍ଚିତ୍ର ଦେଖିଛି ଏବଂ ଫିଲ୍ମକୁ ପସନ୍ଦ କରେ ମଧ୍ୟ । କିନ୍ତୁ ହେଲମେଟ ନପିନ୍ଧି ଷ୍ଟଣ୍ଟ ପ୍ରଦର୍ଶନ କରିବା ଏହା ଭୁଲ ବାର୍ତ୍ତା । ତେଣୁ ଆସନ୍ତୁ ଆଗାମୀ ଦିନରେ ସମସ୍ତେ ମିଶି ମୃତ୍ୟୁର ମାତ୍ରା କମାଇବାକୁ ସଚେତନତା କରିବା ବୋଲି ସାଗରିକା ଟ୍ବିଟରରେ ଦର୍ଶାଇଛନ୍ତି ।
