ଭୁବନେଶ୍ବର: ତୁଟୁନି ବାବୁସାନ-ପ୍ରକୃତି-ତୃପ୍ତି କଳି । ଦିନକୁ ଦିନ ଏହି ଷ୍ଟାର କଳି ଅଧିକ ରୋଚକ ହେବାରେ ଲାଗିଛି । ଏହାରି ଭିତରେ ସିନେମାର ପ୍ରମୋସନ ପାଇଁ ଚେନ୍ନାଇ ଯାଇଥିବା ଦମନ ଫିଲ୍ମର ପୁରା ଟିମ୍ ଓଡିଶା ଫେରିଛନ୍ତି । ସୋମବାର ବିଳମ୍ବିର ରାତିରେ ଭୁବନେଶ୍ବରରେ ପୁରା ଟିମ୍ ପହଞ୍ଚିଛନ୍ତି ।
କିନ୍ତୁ ତାଙ୍କ ସହ ଫେରିନାହାନ୍ତି ବିବାଦରେ ଛନ୍ଦି ହୋଇଥିବା ଫିଲ୍ମର ନାୟକ ବାବୁସାନ ମହାନ୍ତି । ଏପରିକି ବାବୁସାନ ଚେନ୍ନାଇର ଉତ୍କଳ ସମାଜର କାର୍ଯ୍ୟକ୍ରମରେ ମଧ୍ୟ ଯୋଗ ଦେଇନଥିବା ମଧ୍ୟ ଜଣାପଡିଛି । ଏହାକୁ ନେଇ ନିର୍ଦ୍ଦେଶକ ଦେବୀ ପ୍ରସାଦ ଲେଙ୍କା, ବିଶାଲ ମୌର୍ଯ୍ୟ, ପ୍ରଯୋଜକ ଦିପେନ୍ଦ୍ର ସାମଲ କହିଛନ୍ତି ଯେ, ''ଫିଲ୍ମ ପ୍ରମୋସନ ପାଇଁ ବାବୁସାନ ମହାନ୍ତି ଓ ପ୍ରକୃତି ମିଶ୍ର ଚେନ୍ନାଇ ଯାଇଥିଲେ । କିନ୍ତୁ ସମ୍ପୂର୍ଣ୍ଣ ଟିମ୍ ସହିତ ବାବୁସାନ ଫେରି ନାହାଁନ୍ତି ।"
ସେ ଆହୁରି ମଧ୍ୟ କହିଛନ୍ତି ଯେ, "ସୋମବାର ରାତି ପାଖାପାଖି ସାଢେ ୧୦ଟାରେ ସେ ହୋଟେଲରୁ ବାହାରି ଯାଇଥିଲେ । ଫେରିବା ଟିକେଟ ବି ହୋଇଥିଲା । କିନ୍ତୁ ବାବୁସାନ ଆସିଲେନି । ଫେରିବା ସମୟରେ ଯୋଗାଯୋଗ କରିବାକୁ ଚେଷ୍ଟା କରିଥିଲୁ । ହେଲେ ତାଙ୍କ ଫୋନ ଲାଗିଲାନି ।"
ଇଟିଭି ଭାରତ, ଭୁବନେଶ୍ବର