ଭୁବନେଶ୍ବର: ଭୁବନେଶ୍ବରରେ ପ୍ରତିଷ୍ଠା ହେବ ବ୍ୟାଡ୍ମିଣ୍ଟନ ଏକାଡେମୀ । ଡାଲମିଆ ଭାରତ ଗୋପୀଚାନ୍ଦ ବ୍ୟାଡ୍ମିଣ୍ଟନ ଏକାଡେମୀ ଭୁବନେଶ୍ବରରେ ପ୍ରତିଷ୍ଠା ଲାଗି ମୁଖ୍ୟମନ୍ତ୍ରୀଙ୍କୁ ଭେଟିଲେ ଡାଲମିଆ ଭାରତ ଲିମିଟେଡର ଏମ୍ଡି ପୁନିତ ଡାଲମିଆ ଓ ବ୍ୟାଡ୍ମିଣ୍ଟନ କୋଚ ପି. ଗୋପୀଚାନ୍ଦ।
ମୁଖ୍ୟମନ୍ତ୍ରୀଙ୍କୁ ଭେଟିବା ସହ ବ୍ୟାଡ୍ମିଣ୍ଟନ ଏକାଡେମୀର ଏକ ପ୍ରେଜଣ୍ଟେସନ ତାଙ୍କ ସାମ୍ନାରେ ରଖିଛନ୍ତି । ଯାହାକୁ ମୁଖ୍ୟମନ୍ତ୍ରୀ ଗ୍ରହଣ କରିଥିବା ଜଣାପଡିଛି । ଏହି ଏକାଡେମୀ ଆସନ୍ତା ଡିସେମ୍ବର ମାସରୁ ଆରମ୍ଭ ହୋଇ ବର୍ଷକ ମଧ୍ୟରେ ଶେଷ ହେବ ବୋଲି ଲକ୍ଷ୍ୟ ଧାର୍ଯ୍ୟ କରାଯାଇଛି।
ଏଥିଲାଗି 30 କୋଟି ଟଙ୍କା ଖର୍ଚ୍ଚ ହେବ ବୋଲି ସୂଚନା ମିଳିଛି । ଭୁବନେଶ୍ବର କଳିଙ୍ଗ ଷ୍ଟାଡିୟମରେ 10ଟି କୋର୍ଟ ତିଆରି କରାଯିବ । ତେବେ ଡାଲମିଆ ଗ୍ରୁପ ଏହାର ସମସ୍ତ ଖର୍ଚ୍ଚ ବହନ କରିବ, ପରିଚାଳନା ଖର୍ଚ୍ଚ ଗୋପୀଚନ୍ଦ ଫାଉଣ୍ଡେସନ ବହନ କରିବ ଏବଂ ରାଜ୍ୟ ସରକାର ଜାଗା ଲିଜରେ ଯୋଗାଇଦେବେ ବୋଲି ଜଣାପଡିଛି । ଏହା ସହ ଅସ୍ଥାୟୀ ଭାବରେ ଫେବୃଆରୀ ମାସରୁ ଟ୍ରେନିଂ ଆରମ୍ଭ ହେବ ଏବଂ ଆସନ୍ତା ବର୍ଷ ଡିସେମ୍ବରରୁ ଏକାଡେମୀର ସମସ୍ତ କାମ ଶେଷ ହେବ ବୋଲି କୁହାଯାଉଛି।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
