ଭୁବନେଶ୍ବର: ଫେରିବ ବିଜୁବାବୁଙ୍କ ଡାକୋଟା ବିମାନ । ଏନେଇ ବିଧିବଦ୍ଧ ଭାବେ ହୋଇଛି ନିଷ୍ପତ୍ତି । ଲୋକସେବା ଭବନରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ଉଚ୍ଚସ୍ତରୀୟ ବୈଠକରେ ଏନେଇ ବିସ୍ତୃତ ଆଲୋଚନା ହୋଇଛି ।
ଫେରିବ ବିଜୁବାବୁଙ୍କ ଡାକୋଟା ବିମାନ, ବିଧିବଦ୍ଧ ଭାବେ ହୋଇଛି ନିଷ୍ପତ୍ତି
ବୈଠକ ପରେ ଆଇଟି ସଚିବ ମନୋଜ ମିଶ୍ର ସୂଚନା ଦେଇ କହିଛନ୍ତି ଯେ, ‘ଡାକୋଟା ଫେରାଇବା ନେଇ ବେସାମରିକ ବିମାନ ଚଳାଚଳ ମନ୍ତ୍ରଣାଳୟକୁ ଚିଠି ଲେଖାଯିବ ।’ ଏହା କେଉଁଠି ରହିବ ଓ ଏଥିନେଇ କେତେ ଟଙ୍କା ଖର୍ଚ୍ଚ ହେବ ସେନେଇ ପରବର୍ତ୍ତୀ ସମୟରେ ଆଲୋଚନା କରାଯିବ ବୋଲି ସେ କହିଛନ୍ତି ।
ସୂଚନା ଥାଉକି, ଡାକୋଟା ଏବେ କୋଲକାତାରେ ରହିଛି । ତେବେ ପୂର୍ବରୁ ଅନେକ ସଙ୍ଗଠନ ଡାକୋଟା ଫେରାଇବା ଲାଗି ଦାବି କରି ଆସିଥିଲେ । ବର୍ତ୍ତମାନ ଏହାକୁ ଫେରାଇବା ପାଇଁ ପ୍ରକ୍ରିୟା ଆରମ୍ଭ ହୋଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
