ଭୁବନେଶ୍ବର: କରାଳ ରୂପ ନେଇ ସ୍ଥଳଭାଗକୁ ମାଡିଆସୁଛି ‘ବୁଲବୁଲ’ । ପାରଦ୍ବୀପ ଠାରୁ ମାତ୍ର 350 କିମି ଦୂରରେ ରହିଥିବା ବେଳେ ଏହାର ପ୍ରଭାବ ଦେଖିବାକୁ ମିଳିଲାଣି । ଆକାଶ ମେଘାଚ୍ଛନ ଦେଖାଯିବା ସ୍ଥାନେ ସ୍ଥାନେ ଆରମ୍ଭ ହୋଇଯାଇଛି ଝିପଝିପ ବର୍ଷା । ଆଜି ପୁରୀ, କେନ୍ଦ୍ରାପଡା, ଭଦ୍ରକ ଓ ଜଗତସିଂହପୁର ରେ କିଛି ସ୍ଥାନରେ ପ୍ରବଳ ବର୍ଷା ହେବ। 9ରେ ବାଲେଶ୍ଵର, କେନ୍ଦ୍ରାପଡା, ଯାଜପୁରରେ ଅଧିକ ବର୍ଷ ହେବ। ଓଡିଶା ଉପକୂଳରେ ଘଣ୍ଟାପ୍ରତି ପବନର ବେଗ 55 କିମି ରହିବ। ଆଜି ଏହା 65 କିମି ପର୍ଯ୍ୟନ୍ତ ଓ ଆସନ୍ତାକାଲି ସର୍ବାଧିକ 90 କିମି ପର୍ଯ୍ୟନ୍ତ ରହିବ। ପୁରୀ ଓ ଗଞ୍ଜାମରେ 50କିମି ପବନ ବେଗ ରହିବାର ସମ୍ଭାବନା ରହିଛି । । ବାତ୍ୟାକୁ ନଜରରେ ରଖି ସମସ୍ତ ଜିଲ୍ଲାକୁ 2ଟି ଓଡ୍ରାଫ ଟିମ ଓ 6ଟି ଜିଲ୍ଲାକୁ ଗୋଟିଏ ୟୁନିଟ ଲେଖାଏଁ ଏନଡିଆରଫ ଓ ଅଗ୍ନିଶମ ବାହିନୀ ଟିମ୍କୁ ପଠାଯାଇଛି ।
କେନ୍ଦ୍ରାପଡା, ଜଗତସିଂହପୁର, ବାଲେଶ୍ବର ଓ ଭଦ୍ରକ ଜିଲ୍ଲାରେ ଆଜି ଠାରୁ ପବନ ସାଙ୍ଗକୁ ବର୍ଷା ହେବ । ଘଣ୍ଟା ପ୍ରତି ପବନର ବେଗ 40-45 ରହିବା ବେଳେ ସ୍ଥଳଭାଗରେ ପବନର ବେଗ 65 ଛୁଇଁପାରେ । ହେଲେ 9ତାରିଖ ବେଳକୁ 70-80 କିମି ପବନ ବୋହିବା ସହ ସ୍ଥଳ ଭାଗରେ ପବନର ବେଗ 90 ହେବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।
ଆସନ୍ତା କାଲି 9ଟି ଜିଲାରେ ସ୍କୁଲ ଛୁଟି ରହିବ। ତେବେ 10ତାରିଖ ବେଳକୁ ବୁଲବୁଲ ବାତ୍ୟାର ପ୍ରଭାବ ରହିବ ନାହିଁ। ତୁରନ୍ତ ରାସ୍ତା ସଫା ପାଇଁ ସବୁ ଜିଲ୍ଲାପାଳଙ୍କୁ କୁହାଯାଇଛି। ବାତ୍ୟାର ପ୍ରକୋପରେ ବର୍ଷ ଓ ପବନ ରହିବ। ପରିସ୍ଥିତି ଦେଖି ତଳି ଅଞ୍ଚଳ ଲୋକଙ୍କୁ ସ୍ଥାନାନ୍ତରିତ କରାଯିବ। ଏନେଇ ଜିଲ୍ଲାପାଳ ତାଙ୍କ ସ୍ତରରେ ନିଷ୍ପତ୍ତି ନେବେ।
ଆଜି ସନ୍ଧ୍ୟାରେ 300 କି.ମି ଓ ଆସନ୍ତାକାଲି ପୁରୀଠାରୁ 210 କିମି ଦୂରରେ ରହିବ ବୁଲବୁଲ। ଜଗତସିଂହପୁର, ବାଲେଶ୍ଵର, ଭଦ୍ରକ, କେନ୍ଦ୍ରାପଡା ଅଧିକ ମାତ୍ରାରେ ପ୍ରଭାବିତ ହେବ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
