ଭୁବନେଶ୍ବର: ହୁସିଆର! ଆସୁଛି କି ବ୍ୟାଙ୍କ ଜବ ଅଫର । ବ୍ୟାଙ୍କ ଚାକିରି ପାଇଁ ଇମେଲ ବା କଲ କରୁଛନ୍ତି କି କେହି ? ଏପରି କଲ ବା ଇମେଲ ଆସୁଥିଲେ ହୋଇଯାନ୍ତୁ ସତର୍କ । କାରଣ ମାତିଛନ୍ତି ଠକ ରାକେଟ । ଯେକି ଏହିଭଳି ଉପାୟରେ ନିରିହ ଶିକ୍ଷିତ ଯୁବକଙ୍କୁ ଲୋଭ ଦେଖାଇ ଫସାଉଛନ୍ତି ଠକାମି ଜାଲରେ । ଏମିତି ଏକ ଠକ ରାକେଟର ଖୁଲାସା କରିଛି କମିଶନରେଟ ପୋଲିସ ସାଇବର ଥାନା ।
ବିଶେଷ କରି ଏମାନେ ଏକ ଭୋଡାଫୋନ କର୍ମଚାରୀଙ୍କଠୁ ପ୍ରି ଆକ୍ଟିଭେଟେଡ ସିମ କାର୍ଡ ଆଣୁଥିଲେ । ପରେ ସେହି ସିମକାର୍ଡରେ ହ୍ବାଟସପ, ଇମେଲ ଆଇଡି ସୋସିଆଲ ମିଡିଆ ଆକାଉଣ୍ଟ ଖୋଲିବା ସହ ନିରିହ ଛାତ୍ରଛାତ୍ରୀଙ୍କୁ କଲ କରୁଥିଲେ । ପରେ ଫୋନ ଯୋଗେ ଭେରିଫିକେସନ କରିବା ସହ ଷ୍ଟାମ୍ପ ବ୍ୟବହାର କରି ବ୍ୟାଙ୍କ ଅଫର ଲେଟର ଦେଉଥିଲେ । ପରେ ଫୋନ ଯୋଗେ ଯୋଗାଯୋଗ କରି ଯେଉଁମାନେ ଇଚ୍ଛୁକ ଥିଲେ ସେମାନଙ୍କ ଠାରୁ ଜଣଙ୍କ ପିଛା ୨ରୁ ୩ ଲକ୍ଷ ନେଇ ଠକୁଥିଲେ । ଠକ ରାକେଟର ୪ ଅଭିଯୁକ୍ତ ଧରାପଡିଥିବା ବେଳେ ପୋଲିସ ଆଉ କିଛି ଠକ ଏଥିରେ ସାମିଲ ଥାଇପାରନ୍ତି ବୋଲି ସନ୍ଦେହ କରୁଛି ପୋଲିସ । ଏନେଇ ୪ ଠକଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଏମାନଙ୍କ ନାଁରେ ଆହୁରି ଅଧିକ ଠକାମିର ଲିଷ୍ଟ ସାମ୍ନାକୁ ଆସିପାରେ । ଠକଙ୍କୁ ରିମାଣ୍ଡରେ ଆଣିପାରେ ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
