ଫସିଗଲା ସାଇବର ଠକ, ଫେରାଇଲା ୩ ଲକ୍ଷ

ସାଇବର ହେଲପ ଡେସ୍କର କମାଲ । ଠକଠୁ ଠକି ଫେରାଇ ଆଣିଲା ଠକାମୀ ହୋଇଥିବା ଟଙ୍କା । ଅଧିକ ପଢନ୍ତୁ...

ଭୁବନେଶ୍ବର: ଲୋଭରେ ଫସିଗଲା ସାଇବର ଠକ । ଆଉ ଏକ ଠକେଇ କରିବା ବଦଳରେ ଠକେଇର ଶିକାର ହେଲା ଠକ । ଏମିତି ଢ଼ଙ୍ଗରେ ସାଇବର ଠକ ଠୁ ୩ ଲକ୍ଷ ଫେରିପାଇବାରେ ସଫଳ ହୋଇଛି ଭୁବନେଶ୍ୱର ହେଲପ ଡେସ୍କ ।

ଟାଓ୍ବାର ବସାଇବା ଆଳରେ ୩୦ ଟି ପର୍ଯାୟରେ ୩ଲକ୍ଷ ୧୭ ହଜାର ଟଙ୍କା ନେଇ ଯାଇଥିଲେ ବାଳକାଟିରେ ରହୁଥିବା ଅନୁଗୋଳର ବସନ୍ତ ଚାତର । ଯେକି ଜାଣିନପାରି ଫୋନ ପେ ରେ ଦେଇଚାଲିଥିଲେ ଟଙ୍କା । ପରେ ତାକୁ ସନ୍ଦେହ ହେବାରୁ ସେ ସାଇବର ହେଲପ ଡେସ୍କରେ ସହାୟତା ନେଇଥିଲେ । ହେଲେ ଠକକୁ ସାଇବର ହେଲପ ଡେସ୍କରୁ ଏକ କଲ ଯାଇଥିଲା କଲରେ ସେ ଟାଓ୍ବାର ବସାଇବା ପାଇଁ ଆଗ୍ରହ ଅଛନ୍ତି ତାଙ୍କୁ ଡିପୋଜିଟ ଦେବାର ବାହାନା ଦେଖାଇ ତାଙ୍କର ଆକାଉଣ୍ଟ ନମ୍ବର ମାଗିଥିଲେ । ପରେ ସେହି ଆକାଉଣ୍ଟକୁ ଫ୍ରିଜ କରିବା ପରେ ସେଥିରେ ପୁର୍ବରୁ ଠକେଇ ହୋଇଥିବା ବସନ୍ତ ଚାତରଙ୍କ ଟଙ୍କା ଫେରାଇ ଆଣିବାରେ ସଫଳ ହୋଇଥିଲେ । ଏନେଇ ବସନ୍ତ ହେଲପ ଡେସ୍କକୁ ଧନ୍ୟବାଦ ଜଣାଇଛନ୍ତି ।ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ