ଭୁବନେଶ୍ବର: କୋରୋନା କବଳରେ ବ୍ୟାଙ୍କ କର୍ମଚାରୀ । ଏନେଇ ରାଜ୍ୟ ଅର୍ଥବିଭାଗକୁ ଜଣାଇଛି ଷ୍ଟେଟ ଲେବଲ ବ୍ୟାଙ୍କର୍ସ କମିଟି । ଦିନକୁ ଦିନ କୋରୋନା ଅକ୍ରାନ୍ତଙ୍କ ସଂଖ୍ୟା ବୃ୍ଦ୍ଧିକୁ ନେଇ ଜଣାଇଛି କମିଟି ।
ରାଜ୍ୟରେ ସେପ୍ଟେମ୍ବର ଶେଷ ସୁଦ୍ଧା ରାଜ୍ୟର ୩ ହଜାର ୬୬ ଜଣ ବ୍ୟାଙ୍କ କର୍ମଚାରୀ କୋରୋନାରେ ଆକ୍ରାନ୍ତ ହୋଇଛନ୍ତି । ଏହା ସହ ବିଭିନ୍ନ ବ୍ୟାଙ୍କରେ ୧୪ ଜଣ ବ୍ୟାଙ୍କ କର୍ମଚାରୀଙ୍କ ଜୀବନ ନେଇଛି ମହାମାରୀ କୋରନା । ସର୍ବାଧିକ କୋରୋନା ଆକ୍ରାନ୍ତ ହୋଇଛନ୍ତି ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ କର୍ମଚାରୀ । ଏହି ତାଲିକା ଅନୁସାରେ ଏସବିଆଇର ସର୍ବାଧିକ ୯୬୮ ଆକ୍ରାନ୍ତ ଥିବାବେଳେ , ଆକ୍ସିସ ବ୍ୟାଙ୍କର ୩୯୦, ଏଚଡିଏଫସିର ୩୨୦ ଆକ୍ରାନ୍ତ ରହିଛନ୍ତି ।
ଏହାକୁ ଆଖିଆଗରେ ରଖି ଅକ୍ଟୋବର ମାସର ସବୁ ଶନିବାର ବନ୍ଦ ରହିବ ବ୍ୟାଙ୍କ ବୋଲି ବ୍ୟାଙ୍କର୍ସ କମିଟି ନିଷ୍ପତ୍ତି ନେଇଛି । ଏ ନେଇ ଅର୍ଥ ବିଭାଗକୁ ଅବଗତ କରାଇଲା ଷ୍ଟେଟ ଲେବୁଲ ବ୍ୟାଙ୍କର୍ସ କମିଟି(ଏସଏଲବିସି) । ସୂଚନା ଅନୁସାରେ ରାଜ୍ୟ ସରକାର ମଧ୍ୟ ପୂର୍ବରୁ କଟକ ଓ ଭୁବନେଶ୍ବରକୁ ଛାଡି ସମସ୍ତ ଶନିବାର ସରକାରୀ ଅଫିସ ବନ୍ଦ ରଖିବା ପାଇଁ ନିଷ୍ପତ୍ତି ନେଇଥିଲେ ।
ଭୁବନେଶ୍ବରରୁ ତପନ ଦାସ,ଇଟିଭି ଭାରତ
