ବିଜେପିରେ ଯୋଗଦାନ କଲେ କଟକ ସଦର କଂଗ୍ରେସ କର୍ମୀ

କଟକର ଏକାଧିକ କଂଗ୍ରେସ କର୍ମୀ ଆଜି ବିଜେପିରେ କରିଛନ୍ତି ଯୋଗଦାନ । ରାଜ୍ୟ ସଭାପତି ସମୀର ମହାନ୍ତିଙ୍କ ଉପସ୍ଥିତିରେ ରାଜ୍ୟ କାର୍ଯ୍ୟାଳୟରେ ସେମାନେ ସାମିଲ ହୋଇଛନ୍ତି । ଅଧିକ ପଢନ୍ତୁ..

ଭୁବନେଶ୍ବର: ବିଜେପିରେ ମିଶିଲେ କଂଗ୍ରେସର ଏକାଧିକ କର୍ମୀ। ବିଜେପି ରାଜ୍ୟ ସଭାପତି ସମୀର ମହାନ୍ତିଙ୍କ ଉପସ୍ଥିତିରେ ସେମାନେ ଦଳୀୟ କାର୍ଯ୍ୟାଳୟରେ ଆଜି ଯୋଗଦାନ କରିଛନ୍ତି ।

ଏହି ଅବସରରେ ସଭାପତି ସମୀର ମହାନ୍ତି ଦଳକୁ ସ୍ୱାଗତ କରିବା ସହ ସେମାନଙ୍କ ଯୋଗଦାନ ଦଳକୁ ମଜବୁତ କରିବ ବୋଲି କହିଛନ୍ତି । କଟକ ସଦର ଅଞ୍ଚଳରୁ ବାରଙ୍ଗ ବ୍ଲକର ପୂର୍ବତନ ଉପସଭାପତି ଗୁରୁ ଚରଣ ସ୍ବାଇଁ ଓ ଗୁରାଙ୍ଗ ଶାସନ ପଞ୍ଚାୟତର ପୂର୍ବତନ ସରପଞ୍ଚ ଦିଲ୍ଲୀପ ପାତ୍ର ଓ ସେମାନଙ୍କ ସମର୍ଥକମାନେ ବିଜେପିରେ ଯୋଗଦାନ କରିଛନ୍ତି ।

କଂଗ୍ରେସ ଦିନକୁ ଦିନ ଶକ୍ତିହୀନ ହେଉଥିବା ଓ ବିଜେଡି ର ଆଉ ଆଗଭଳି ସୁଖ୍ୟାତି ନ ଥିବାରୁ ସେମାନେ ବିଜେପି ଠାରେ ଉନ୍ନତ ଭବିଷ୍ୟତ ସମ୍ଭାବନା ଦେଖି ଏଥିରେ ଯୋଗ ଦେଇଥିବା କହିଛନ୍ତି।

ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ