ଭୁବନେଶ୍ବର: କୋହଳ ହୋଇଛି ନିୟମ, ତଥାପି କର୍ଫ୍ୟୁ ବଳୟରେ କଟକ ଭୁବନେଶ୍ବର । ସଂନ୍ଧ୍ୟା ୭ ବାଜିଲେ ଚକ-ଅଖ ସବୁ ବନ୍ଦ । ଦୋକାନ ବଜାର ସଟର ଡାଉନ । ଛକ ଛକରେ ପୋଲିସ ପ୍ରହରା । ଲକଡାଉନର ୪ର୍ଥ ପର୍ଯାୟରେ ବି ସନ୍ଧ୍ୟା ୭ ରୁ ସକାଳ ୭ ଯାଏ ଜାରି ରହିଛି କଟକଣା । ଅର୍ଥାତ ଏହି ସମୟରେ କେହି ବି ଘରୁ ବାହାରିଲେ ପୋଲିସଠୁ ନେବାକୁ ହେବ ଅନୁମତି ।
ମେଡିକାଲ ହେଉ ବା ଏମରଜେନ୍ସି, ୧୦୦କୁ କଲ କରି ମୋବାଇଲ ଏସମେସ ଜରିଆରେ ମିଳୁଛି ପାସ । ଅତି ଜରୁରି ବ୍ୟବସ୍ଥା ମେଡିସିନ ଦୋକାନ ଓ ପେଟ୍ରୋଲ ପମ୍ପ ଖୋଲା ରଖିବାକୁ ଅନୁମତି । ନଚେତ ଘରୁ ଗୋଡ କାଢିଲେ ପୋଲିସ ଉଠାଇ ନେଉଛି ଗାଡି କାଟୁଛି କଡା ଫାଇନ। ପାସ ପାଇଁ ପୋଲିସ କଣ୍ଟ୍ରୋଲ ରୁମରେ ୩ ଟି ସିଫ୍ଟରେ କାମ କରୁଛନ୍ତି ୭୨ ଜଣ ।
ଅନ୍ୟପଟେ ସକାଳ ୭ରୁ ସନ୍ଧ୍ୟା ୭ ପର୍ଯନ୍ତ ସ୍ବଭାବିକ ଭାବେ ଚାଲୁଛି ଗାଡି ମୋଟର । ଯିବା ଆସିବା ପାଇଁ ଆବଶ୍ୟକ ନାହିଁ ପାସ କି ପୋଲିସର ଅନୁମତି । ହେଲେ ବଜାର ବା ମାର୍କେଟରେ ସାମୂହିକ ଏକାଠିକୁ ଅନୁମତି ନାହିଁ । ମୁହଁରେ ମାସ୍କ ଓ ସୋଲିଆଲ ଡିଷ୍ଟାନ୍ସକୁ ନେଇ ଗୁରୁତ୍ବ ଦିଆଯାଉଛି । ହେଲେ ପୋଲିସର ସନ୍ଧ୍ୟାକାଳୀନ କର୍ଫ୍ୟୁ ପାଇଁ କିଛି ବୁଦ୍ଧିଜୀବି ଅସନ୍ତୋଷ ବ୍ୟକ୍ତ କରିଛନ୍ତି । ତେବେ ପୁର୍ବପରି ସଡଡାଉନ ବା ଲକଡାଉନ ୩ ପରି ନାହିଁ ନିୟମ କଡାକଡି । ଧିରେ କୋହଳ ନିୟମ ଲୋକଙ୍କୁ ସ୍ଥିତି ସୁଧାରିବା ଉପରେ ଗୁରୁତ୍ବ ଦେଉଛନ୍ତି ସରକାର ।
ଭୁବନେଶ୍ବରୁ ତାପସ ପରିଡା, ଇଟିଭି ଭାରତ
