ଭୁବନେଶ୍ବର: ରାଜ୍ୟରେ କୋରୋନା ସଂକ୍ରମଣର ବର୍ତ୍ତମାନ ସ୍ଥିତି ଉପରେ ନିଜର ବିବୃତ୍ତି ରଖିଛନ୍ତି ସରକାରଙ୍କ ମୁଖ୍ୟମୁଖପାତ୍ର ସୁବ୍ରତ ବାଗଚୀ । ଲୋକେ ମାସ୍କ ପିନ୍ଧୁଥିବା ବେଳେ ସାମାଜିକ ଦୂରତାର ଚିହ୍ନବର୍ଣ୍ଣ ନଥିବା କହିଛନ୍ତି ସୁବ୍ରତ ।
ସୁବ୍ରତ ବାଗଚୀ କହିଛନ୍ତି ଯେ ଓଡିଶାରେ ମେ 26ରୁ ଜୁନ 11 ପର୍ଯ୍ୟନ୍ତ ବଢ଼ିଛି ଆକ୍ରାନ୍ତଙ୍କ ସଂଖ୍ୟା । ସୁସ୍ଥ ହୋଇଛନ୍ତି 3 ଗୁଣ ଆକ୍ରାନ୍ତ । ଦେଶରେ ଦିନକୁ ପ୍ରାୟ 10 ହଜାର ନୂଆ ଆକ୍ରାନ୍ତ ଚିହ୍ନଟ ହେଉଛନ୍ତି । ରାଜ୍ୟରେ ମେ 26 ପରଠାରୁ ସୁସ୍ଥ ବ୍ୟକ୍ତିଙ୍କ ସଂଖ୍ୟା ସକ୍ରିୟ ସଂକ୍ରମିତଙ୍କ ଠାରୁ ଅଧିକ ରହିଛି । କୋରୋନା ସଂକ୍ରମଣରେ ଜନସଂଖ୍ୟାର ଘନତ୍ବର ପ୍ରଭାବ ରହିଛି । ତେବେ ଏଥିପାଇଁ ଓଡିଶାରେ ସଂକ୍ରମଣ ସଂଖ୍ୟା ବଢ଼ିଛି, କିନ୍ତୁ ସେହି ହାରରେ ସୁସ୍ଥ ସଂଖ୍ୟା ମଧ୍ୟ ଅଧିକ ରହିଛି ।
ଅନ୍ୟପକ୍ଷେ ସାମାଜିକ ଦୂରତ୍ବକୁ ନେଇ ବାଗଚୀ କହିଛନ୍ତି ଯେ କୋରୋନା ସଂକ୍ରମଣ ପାଇଁ ଲୋକଙ୍କ ଭିଡ଼ ହେଉଛି ଏକ ରାଜ ଜୋଟକ । ଭିଡ଼ ଭିତରେ କେତେ ସମୟ ଭିନ୍ନ ଭିନ୍ନ ଲୋକଙ୍କ ସଂସ୍ପର୍ଶରେ ଆସୁଛୁ । ଦୋକାନ ବଜାର ରେ ଅଧିକ ଲୋକ ଭିଡ ଜମାଇବା ଦ୍ବାରା ସୁପର ସ୍ପେଡର ପରିସ୍ଥିତି ସୃଷ୍ଟି ହେଉଛି । ତେବେ ଯେଉଁ ସ୍ଥାନରେ ଅଧିକ ମାତ୍ରାରେ ଭିଡ଼ ରହୁଛି, ସେଇଠି ଆକ୍ରାନ୍ତ ହେବାର ଅଧିକ ସମ୍ଭାବନା ରହିଥିବା କହିଛନ୍ତି ବାଗଚୀ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
