ଭୁବନେଶ୍ବର: ନିଶା ମାଫିଆ ଅନିଲ ପାଣ୍ଡିର ସମ୍ପତ୍ତି ଉପରେ କ୍ରାଇମବ୍ରାଞ୍ଚ ଏସଟିଏଫ୍ର ନଜର । ଗଞ୍ଜେଇ ବେପାର କରି ଅର୍ଜି ଥିବା ଧନ ଉପରେ କ୍ରାଇମ ବ୍ରାଞ୍ଚ ଏସଟିଏଫ୍ର ଚଢାଉ । ତେବେ ନିଶା କାରବାର ରୋକିବା ପାଇଁ ଏସଟିଏଫ୍ ପକ୍ଷରୁ ଚାଲିଛି ଜୋରଦାର ଅଭିଯାନ । ସେହିପରି ଆଜି ମୋଷ୍ଟ ୱାଣ୍ଟେଡ଼ ଗଞ୍ଜେଇ ମାଫିଆ ଅନିଲ ପାଣ୍ଡିର ଗାଡି ଜବତ କରିଛି କ୍ରାଇମବ୍ରାଞ୍ଚ ଏସଟିଏଫ୍ । ୨୫ଲକ୍ଷ ଟଙ୍କାର ଦୁଇଟି ଗାଡିକୁ ଜବତ କରିଛି କ୍ରାଇମବ୍ରାଞ୍ଚ୍ ଏସଟିଏଫ୍ । ସୂଚନା ଅନୁସାରେ ଏସବୁ ସମ୍ପତ୍ତିକୁ ବ୍ୟାଜାପ୍ତ ପାଇଁ କଲିକତା ସ୍ଥିତ କମ୍ପିଟେଟ ଅଧିକାରୀକୁ ଚିଠି ଲେଖା ଯାଇଛି । ପୁର୍ବରୁ 2 କୋଟି ଅଧିକ ଟଙ୍କାର ସମ୍ପତ୍ତିକୁ ବ୍ୟାଜାପ୍ତ କରିବା ପାଇଁ ଲେଖିଥିଲା ଏସଟିଏଫ ।
ସେହିପରି ଗତ 7 ତାରିଖରେ ନିଶା ମାଫିଆଙ୍କୁ ପ୍ରଶ୍ରୟ ନଦେବା ପାଇଁ ଗୋଟିଏ ପରେ ଗୋଟିଏ ମାଫିଆଙ୍କ ସମ୍ପତ୍ତି ହେଉଛି ଜବତ । ଏନେଇ ଗଞ୍ଜାମ କୋଦଳାର ଅନିଲ ପାଣ୍ଡିର ଘର ଓ ସମ୍ପତ୍ତି ସିଜ୍ କରିଛି ଏସଟିଏଫ୍ ଟିମ । ଏଥିସହ ନିଜ ଗାଁରେ ଥିଵା ବିଳାସମୟ କୋଠାକୁ ସିଜ୍ କରିଛି ଏସଟିଏଫ୍ । ଏପଟେ ଅନିଲ ଘର ଦେଖିବା ପରେ ତାଜୁଵ ହୋଇଛନ୍ତି ଅଫିସର । ଗଞ୍ଜେଇ ମାଫିଆ ଵିଳାସମୟ ଜୀବନ ବିତାଇଵାକୁ ତିଆରି କରିଥିଲା ତାରକା ହୋଟେଲ ପରି ଘର । ଘର ଭିତରେ ଥିଲା ସୁଇମିଂ ପୁଲ ସହ ହୋମ ଥିଏଟର ଓ ଓପନ ସ୍କାଏ ଟେରସ ଭଳି ସୁବିଧା ।
ସେହିପରି ଫର୍ଣ୍ଣିଚର ଓ ହାଡ୍ରୋଲିକ ବେଡ ସହ ପାଓ୍ବାର ଓ୍ଵିଣ୍ଡୋ ଭଳି ଵିଳାସମୟ କୋଠାଘର ତିଆରି କରିଥିଲା । ଏହାର ମୂଲ୍ୟ ଦେଢ କୋଟିରୁ ଊର୍ଦ୍ଧ ହେବ ବୋଲି ଆକଳନ କରିଛି ଏସଟିଏଫ୍ ଟିମ । ଏଥିସହ ୩୩ଟି ଆକାଉଣ୍ଟରେ ଥିଵା ଟଙ୍କା ମଧ୍ୟ ସିଜ୍ କରିଛି । ଏହାକୁ ଆଟାଚ୍ ପାଇଁ କଲିକତାର କ୍ବାସି କମ୍ପିଟେଟିଭ ଅଥରିଟିଙ୍କୁ ପଠାଇଛି ଏସଟିଏଫ୍ ଟିମ । ତେବେ ଅନିଲ ଓ ସୁନିଲ ଦୁଇ ଭାଇ ନିଶା କାରବାର ପାଇଁ ଚର୍ଚ୍ଚାରେ ରହିଛନ୍ତି । ଦୁଇ ଭାଇଙ୍କର ଗୁଜୁରାଟ ଓ ମହାରାଷ୍ଟ୍ର ପର୍ଯ୍ୟନ୍ତ ଲମ୍ବିଛି ନିଶା ଚାଲାଣର ରାକେଟ୍ ।
ତେବେ ଏନେଇ ସୁନିଲ ଗୁଜୁରାଟ ପୋଲିସ ଦ୍ବାରା ଗିରଫ ହୋଇଥିଲା । ହେଲେ ଅନିଲ ଗତ ୨୦୨୧ ଅଗଷ୍ଟ ମାସରେ ଗୋଟିଏ ଟନ ଗଞ୍ଜେଇ ଚାଲାଣ କରୁଥିବାର ଖବର ପାଇଥିଲା ଏସଟିଏଫ୍ । ଏହାପରେ ବସ୍ତା ଅଞ୍ଚଳରେ ଟ୍ରକ ସହ ଏକ ଟନ ଗଞ୍ଜେଇ ଜବତ କରିଥିଲା । ସେହିଦିନରୁ ଅନିଲ ଲିଙ୍କ ଆସିବା ପରେ ତାକୁ ଗିରଫ ଲାଗି ଯୋଜନା ଚଳାଇଛି । ଏନେଇ ଅନିଲର ଫଟୋ ଜାରି କରିବା ସହ ମୋଷ୍ଟ ଓ୍ବାଣ୍ଟେଡ ଘୋଷଣା କରିଛି ଏସଟିଏଫ୍ । ଏଥିସହ ଅନିଲକୁ ଧରିବା ପାଇଁ ପୁରଷ୍କାର ଘୋଷଣା କରିଛି ଏସଟିଏଫ୍ । ତେବେ ନିଶା ମାଫିଆ ନୂହେଁ ପୁର୍ବରୁ ଟକଲୁ ରାଜା, ଏସ କେ ସରିଫଦୁନ ଭଳି ଅନେକ ନିଶା ମାଫିଆଙ୍କ ସମ୍ପତ୍ତି ମଧ୍ୟ ସିଜ୍ କରିଛି ଏସଟିଏଫ୍ ଟିମ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
