ଭୁବନେଶ୍ବର: ଚିଟଫଣ୍ଡ (Chit Fund Fraud Case in bhubaneswar) ଟଙ୍କା ଖାଇ ଫେରାର ତିନି ଅଭିଯୁକ୍ତଙ୍କୁ ଓ୍ବାଣ୍ଟେଡ ଘୋଷଣା କଲା କ୍ରାଇମବ୍ରାଞ୍ଚ । ତିନି ଓ୍ବାଣ୍ଟେଡ ହେଉଛନ୍ତି ଷ୍ଟାର କନସଲଟାନ୍ସି ସର୍ଭିସ ଲିମିଟେଡର ଡାଇରେକ୍ଟର ତ୍ରିବେଣି କୁମାର ମହାନ୍ତି, ସିଷ୍ଟମାଟିକ୍ସ ସର୍ଭିସ ଲିମିଟେଡର ଡାଇରେକ୍ଟର ଆଦିତ୍ୟ ଦାସ ଓ ଜ୍ୟୋତି ଟ୍ରେଡିଂ ଆଣ୍ଡ କୋର ମାଲିକ ବିଜୟ କୁମାର ବେଉରା । ତ୍ରିବେଣି ବରମୁଣ୍ଡା ହାଉସି ବୋର୍ଡ କଲୋନିର ପ୍ଲଟ ନମ୍ବର L-୭୨ରେ ରହୁଥିବା ବେଳେ ସେ ଚିଟଫଣ୍ଡ ଟଙ୍କା ଖାଇ ଏବେ ଫେରାର ହୋଇଯାଇଛନ୍ତି । ସେହିପରି ଆଦିତ୍ୟ ଦାସ ଓ ବିଜୟ କୁମାର ବେଉରା ମଧ୍ୟ ଚିଟଫଣ୍ଡ ଠକେଇ ମାମଲାରେ ଫେରାର ଥିବାରୁ ଏହି ୩ଜଣଙ୍କୁ ଓ୍ବାଣ୍ଟେଡ ଘୋଷଣା କରି ଖୋଜୁଛି କ୍ରାଇମବ୍ରାଞ୍ଚ୍ ।
ଏହି ତିନିଜଣଙ୍କ ଫଟୋ କ୍ରାଇମବ୍ରାଞ୍ଚ ଜାରି କରିଛି । ଯଦି ଅଭିଯୁକ୍ତ ବିଷୟରେ କେହି ସୂଚନା ଦିଅନ୍ତି ତାଙ୍କୁ ପୁରସ୍କାର ମିଳିବା ନେଇ ମଧ୍ୟ ଘୋଷଣା କରାଯାଇଛି । ଏନେଇ ସୂଚନା ଦେବାକୁ କ୍ରାଇମବ୍ରାଞ୍ଚ ତରଫରୁ ନମ୍ବର ମଧ୍ୟ ଜାରି କରାଯାଇଛି । ୯୪୩୭୦୯୭୬୬୨, ୯୪୩୮୧୨୯୬୧୨ ଓ ୭୦୦୮୧୬୦୧୧୪ ନମ୍ବରରେ ଯୋଗାଯୋଗ କରିବାକୁ ସୂଚନା ଦେଇଛି କ୍ରାଇମବ୍ରାଞ୍ଚର EOW ଓ CID ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
