ଭୁବନେଶ୍ବର: ଦେଶରେ ନାଗରିକତା ସଂଶୋଧନ ଆଇନ (ସିଏଏ) 2019 ଲାଗୁ ଓ ଜାତୀୟ ନାଗରିକ ପଞ୍ଜିକରଣ (ଏନଆରସି) ପ୍ରଚଳନକୁ ନେଇ ବାମପନ୍ଥୀ ଦଳ ଏକତ୍ରିତ ହୋଇଛନ୍ତି । ଯାହାକୁ ବିରୋଧ କରି ରାଜଧାନୀରେ ଏକତ୍ରିତ ହୋଇଛନ୍ତି ବାମପନ୍ଥୀ ଦଳ ।
ଦେଶର ନାଗରିକଙ୍କୁ ସରକାର ଧର୍ମ ଭିତ୍ତିରେ ଭାଗ ଭାଗ କରିବା ପାଇଁ ଷଡଯନ୍ତ୍ର କରୁଥିବା ଅଭିଯୋଗ କରିଛନ୍ତି ସିପିଆଇ, ସିପିଆଇ (ଏମ), ସିପିଆଇ (ଏମଏଲ), ଅଲ ଇଣ୍ଡିଆ ଫରୱାର୍ଡ କ୍ଲବ ସମେତ ବିଭିନ୍ନ ବାମପନ୍ଥୀ ଛାତ୍ର ସଂଗଠନ । ସରକାର ଏହାକୁ ତୁରନ୍ତ ପ୍ରତ୍ୟାହାର କରିବାକୁ ସେମାନେ ଦାବି କରିବା ସହ ଏପରି ସମ୍ବିଧାନ ବିରୋଧୀ କାର୍ଯ୍ୟରୁ କ୍ଷାନ୍ତ ରହିବାକୁ ଦାବି କରାଯାଇଛି । ନଚେତ ପରବର୍ତ୍ତୀ ଅବସ୍ଥାରେ ସମାଜରେ ଯେଉଁ ଆନ୍ଦୋଳନ ମୁଣ୍ଡ ଟେକିବ ସେଥିପାଇଁ ସରକାର ଦାୟୀ ରହିବେ ବୋଲି ବାମପନ୍ଥୀ ଦଳମାନେ କେନ୍ଦ୍ର ସରକାରଙ୍କୁ ଚେତାବନୀ ଦେଇଛନ୍ତି।
ଏହି ଅବସରରେ ଆୟୋଜିତ ସଭାରେ ବରିଷ୍ଠ ନେତାମାନେ ସରକାରଙ୍କ ଏଭଳି ନୀତିକୁ ତୀବ୍ର ସମାଲୋଚନା କରିବା ସହ ଦେଶରେ ଶାନ୍ତି ସ୍ଥାପନ ପାଇଁ ସରକାର ଏହାର ପୁନର୍ବିଚାର କରିବା ସହ ଏହାକୁ ପ୍ରତ୍ୟାହାର କରିବାକୁ ଦାବି କରିଛନ୍ତି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
