ଭୁବନେଶ୍ବର: ଦ୍ରୁତଗତିରେ ବଢୁଛି ରାଜ୍ୟରେ କୋରୋନା ସଂକ୍ରମିତଙ୍କ ସଂଖ୍ୟା । ଆଜି ଗୋଟିଏ ଦିନରେ 1068 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ କ୍ବାରେଣ୍ଟାଇନ ସେଣ୍ଟରରୁ 662 ଓ ସ୍ଥାନୀୟ ଅଞ୍ଚଳରୁ 406 ଜଣ ଆକ୍ରାନ୍ତ ରହିଛନ୍ତି । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା 29 ହଜାର 175ରେ ପହଞ୍ଚିଛି । ସେପଟେ ଆଜି ବି ମୃତ୍ୟୁ ସଂଖ୍ୟାରେ ବ୍ରେକ ଲାଗିନି । ଆକ୍ରାନ୍ତଙ୍କ ମଧ୍ୟରୁ 5 ଜୀବନ ନେଇଛି ମହାମାରୀ କୋରୋନା ।
ସେଥିମଧ୍ୟରୁ ପୁରୀ, ମାଲକାନଗିରି, ଗଞ୍ଜାମ, ବାଲେଶ୍ବର ଓ କନ୍ଧମାଳରୁ ଜଣେ ଲେଖାଏଁ ମୃତ୍ୟୁବରଣ କରିଛନ୍ତି । ପୁରୀରୁ 55 ବର୍ଷୀୟ ମହିଳା, ମାଲକାନଗିରିରୁ 62 ବର୍ଷୀୟ ମହିଳା, ଗଞ୍ଜାମରୁ 60 ବର୍ଷୀୟ ମହିଳା, ବାଲେଶ୍ବର 46 ବର୍ଷୀୟ ପୁରୁଷ ଓ କନ୍ଧମାଳରୁ 50 ବର୍ଷୀୟ ପୁରୁଷଙ୍କ ମୃତ୍ୟୁ ହୋଇଛି ।
ସେପଟେ ସମସ୍ତ କୋରୋନା ମୃତକଙ୍କ ମଧ୍ୟରୁ କେବଳ ପୁରୀର ମୃତ ମହିଳା ଆକ୍ରାନ୍ତଙ୍କୁ ଛାଡିଦେଲେ ଅନ୍ୟମାନଙ୍କ କ୍ଷେତ୍ରରେ ଅନ୍ୟାନ୍ୟ ରୋଗ ମଧ୍ୟ ରହିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
