Covid Cases Spike Again: ରାଜ୍ୟରେ ବଢୁଛି କୋରୋନା ଗ୍ରାଫ, ଶୀର୍ଷରେ ଖୋର୍ଦ୍ଧା

ରାଜ୍ୟରେ ଧୀରେ ଧୀରେ ବଢିବାରେ ଲାଗିଛି କୋରୋନା ଗ୍ରାଫ । ଖୋର୍ଦ୍ଧା ଜିଲ୍ଲାରେ ସର୍ବାଧିକ ସଂକ୍ରମିତଙ୍କ ସଂଖ୍ୟା ରହିଛି । ଅଧିକ ପଢନ୍ତୁ

ଭୁବନେଶ୍ବର: ଦେଶରେ କୋରୋନା ସଂକ୍ରମଣ ବଢ଼ିବା ପରେ ରାଜ୍ୟରେ ମଧ୍ୟ ସଂକ୍ରମଣ ବଢୁଛି । ଧୀରେ ଧୀରେ କୋରୋନା ଗ୍ରାଫ ଉପରକୁ ଉଠୁଛି । ଭୁବନେଶ୍ବର ଓ ଖୋର୍ଦ୍ଧାରେ ପଜିଟିଭ କେସ ଅଧିକ ରହୁଥିବା ବେଳେ ରାଜ୍ୟର ଖୋର୍ଦ୍ଧା ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ଅଧିକ ରହିଛି । ମଣିଷରୁ ମଣିଷକୁ ଚେନ ମାଧ୍ୟମରେ ଏହା ବ୍ୟାପୁଥିବାରୁ ଲୋକମାନଙ୍କୁ ଅଧିକରୁ ଅଧିକ ସଚେତନ ରହିବା ଲାଗି ପରାମର୍ଶ ଦେଇଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ ଡ଼ ନିରଞ୍ଜନ ମିଶ୍ର ।

ସେ ଆହୁରି କହିଛନ୍ତି ଯେ, "ସରକାରଙ୍କ କୋଭିଡ଼ ଗାଇଡ଼ଲାଇନ ମାନିବାର ଆବଶ୍ୟକତା ରହିଛି । କୋଭିଡ଼ ସଂକ୍ରମଣକୁ କିଛି ଦିନ ଅନୁଧ୍ୟାନ କରିବାର ଆବଶ୍ୟକତା ରହିଛି । କାରଣ ଦିଲ୍ଲୀ ଭଳି ସହରରେ କୋରୋନା ବଢିଲା ଓ ପୁନର୍ବାର କମିଯାଇଥିଲା । ସେଥିପାଇଁ ସଠିକ ଅନୁଧ୍ୟାନ ନିତାନ୍ତ ଆବଶ୍ୟକ । ବର୍ତ୍ତମାନ ସୁଦ୍ଧା କିଛି ନୂଆ ଭାରିଏଣ୍ଟ ଆସିବାର ରିପୋର୍ଟ ବିଭାଗ ପାଖରେ ନାହିଁ ।"