ଭୁବନେଶ୍ବର: ରାଜ୍ୟରେ ଟିକା ଅଭାବ ରହିଥିବା ବେଳେ ସ୍ବାସ୍ଥ୍ୟ ବିଭାଗ ଆଉ ଏକ ପଦକ୍ଷପ ନେଇଛି । ରାଜ୍ୟରେ କେବଳ ଭୁବନେଶ୍ବରରେ କୋଭାକ୍ସିନ ଟିକା ଦିଆ ଯାଉଥିବା ବେଳେ ଏବେ ଗଞ୍ଜାମରେ ମଧ୍ୟ ଏହି ଟିକା ଦିଆଯିବ।
ରାଜ୍ୟରେ 18 ବର୍ଷରୁ ଉର୍ଦ୍ଧ୍ବ ନାଗରିକଙ୍କ ଟୀକାକରଣ ପାଇଁ ଜୁଲାଇରୁ ଗଞ୍ଜାମ ଜିଲ୍ଲାରେ କୋଭାକ୍ସିନ ଟୀକା ଦେବାକୁ ସ୍ବାସ୍ଥ୍ୟ ବିଭାଗ ନିଷ୍ପତ୍ତି ନେଇଛି । ଏହି ପ୍ରସଙ୍ଗରେ ଜୁଲାଇରୁ ହିତାଧିକାରୀଙ୍କ ଟୀକାକରଣ ପାଇଁ କୋଭାକ୍ସିନ ଯୋଗାଇ ଦିଆଯିବ । ଟୀକାକରଣର ପରିବର୍ତ୍ତନ ପାଇଁ ନିମ୍ନଲିଖିତ ପଦକ୍ଷେପଗୁଡିକ ଅନୁସରଣ କରାଯିବ ।
2ୟ ଡୋଜ ଟୀକାକରଣ ପାଇଁ କୋଭିଶିଲ୍ଡର ବ୍ୟବହାର ଆବଶ୍ୟକତା ଭାବରେ କରାଯିବ। ଠିକ୍ ସମୟରେ ଯୋଗାଣ ପାଇଁ ସ୍ବାସ୍ଥ୍ୟ ବିଭାଗକୁ ପୂର୍ବରୁ ଜଣାଯିବ। ହିତାଧିକାରୀଙ୍କ ଦ୍ବିତୀୟ ଡୋଜ୍ କୋଭିଶିଲ୍ଡ ଟୀକାକରଣ କରିଥିବା ବେଳେ ଯେଉଁମାନେ ପୂର୍ବରୁ ପ୍ରଥମ ଡୋଜ୍ ନେଇଛନ୍ତି ଏଥିପାଇଁ ସ୍ବତନ୍ତ୍ର ଅଧିବେଶନ କରାଯିବ। ସମସ୍ତ ମେଡିକାଲ୍ ଅଫିସର ସୁପରଭାଇଜର ପ୍ରୋଗ୍ରାମ ମ୍ୟାନେଜର, ଭେରିଫାୟର୍ସ ଏବଂ ଟୀକାକରଣକାରୀ କୋଭାକ୍ସିନ ଟିକାକାରଣ ଉପରେ ନଜର ରଖିବେ ।
କୋଭାକ୍ସିନ ଡୋଜ ଏବଂ ଟୀକାକରଣ ନେଇ କାର୍ଯ୍ୟସୂଚୀ ଦିଆଯାଇଛି (ପ୍ରଥମ ଡୋଜ ପରେ 4 ରୁ 6 ସପ୍ତାହ ରହିବ ବ୍ୟବଧାନ) । ଏକ ଗୁରୁତ୍ବପୂର୍ଣ୍ଣ ନିର୍ଦ୍ଦେଶ ହେଉଛି ଯେ କୋଭିଶିଲ୍ଡ ଏବଂ କୋଭାକ୍ସିନ୍ ଅଦଳବଦଳ ହେବ ନାହିଁ । କୋଭିଶିଲ୍ଡ (1 ଡୋଜ୍) ଟିକା ଦିଆଯାଇଥିବା ହିତାଧିକାରୀଙ୍କୁ 2 ଡୋଜ ପାଇଁ ମଧ୍ୟ କେବଳ କୋଭିଶିଲ୍ଡ ଟିକା ଦିଆଯିବା ଉଚିତ ଏବଂ କୋଭାକ୍ସିନ ପାଇଁ ମଧ୍ୟ ସମାନ ନିୟମ ରହିବ। ଏନେଇ ଗଞ୍ଜାମ ଜିଲ୍ଲାପାଳ ଓ ବ୍ରହ୍ମପୁର କମିଶନରଙ୍କୁ ସ୍ବାସ୍ଥ୍ୟ ବିଭାଗର ନିର୍ଦ୍ଦେଶ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
