ଭୁବନେଶ୍ବର: ଦୁର୍ନୀତି ବିରୋଧରେ ନବୀନଙ୍କ କଡ଼ା ଆଭିମୁଖ୍ୟ । ଯିଏ ବି ହେଉ, ଦୁର୍ନୀତିର ଦାଗ ଲାଗିଲେ କଡ଼ା ନିଷ୍ପତ୍ତି ନେଉଛନ୍ତି ମୁଖ୍ୟମନ୍ତ୍ରୀ । ମାସକ ମଧ୍ୟରେ ଗଲାଣି 37 ଜଣଙ୍କ ଚାକିରୀ । ତେବେ ଆଜି ମଧ୍ୟ 16 ଜଣଙ୍କୁ ବହିଷ୍କାର କରିଛନ୍ତି ମୁଖ୍ୟମନ୍ତ୍ରୀ ।
ଏମାନଙ୍କ ମଧ୍ୟରେ ରହିଛନ୍ତି 5 ପ୍ରଧାନ ଶିକ୍ଷକ, 4 ଇଂଜିନୟର, 2 ଆରଆଇ, ଜଣେ ଅମିନ, ଜଣେ ପଞ୍ଚାୟତ ଅଧିକାରୀ ଓ 2 ଜଣ କିରାଣୀ । ଦୁର୍ନୀତି ନିବାରଣ ବିଭାଗରେ ଦୋଷୀ ସାବ୍ୟସ୍ତ ହୋଇଛନ୍ତି । ଆଜିକୁ ମିଶାଇ ମାସକ ମଧ୍ୟରେ 37 ଜଣଙ୍କୁ ଚାକିରୀରୁ ବହିଷ୍କାର କରଛନ୍ତି ମୁଖ୍ୟମନ୍ତ୍ରୀ ।
ସେହିପରି 6 ଜଣଙ୍କ ପେନସନ ବନ୍ଦ କରାଯାଇଛି । ତେବେ ବଡ କଥା ହେଉଛି ତଳିଆ କର୍ମଚାରୀଙ୍କ ବିରୋଧରେ ନବୀନ କଠୋର ହେଉଥିବା ବେଳେ ବଡବଡ଼ିଆଙ୍କୁ ହାତ ମାରୁ ନାହାଁନ୍ତି ବୋଲି ଅଭିଯୋଗ କରିଛନ୍ତି ବିରୋଧୀ । ଭିଜିଲାନ୍ସ ଓ କ୍ରାଇମବ୍ରାଞ୍ଚ ହାତରେ ଅନେକ ଅଫିସର ଧରାପଡିଥିବା ବେଳେ ସେମାନଙ୍କ ପ୍ରତି ନରମ ମନୋଭାବ କାହିଁକି ପୋଷଣ କରାଯାଇଛି ବୋଲି ବିରୋଧୀ ପ୍ରଶ୍ନ କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
