ଭୁବନେଶ୍ବର: ରାଜଧାନୀରେ ଖୋଲିଲା ମାର୍କେଟ ଅଞ୍ଚଳ। କୋରୋନା ସମୟରେ ଏହି ଅଞ୍ଚଳ ହେବ ବିଏମସି ପାଇଁ ବଡ ଚ୍ୟାଲେଞ୍ଜ ହୋଇଥିବା ବେଳେ ବସ୍ତିରେ କୋରୋନା ସମ୍ପୂର୍ଣ୍ଣ ଭାବରେ ନିୟନ୍ତ୍ରଣରେ ରହିଛି। ଲୋକଙ୍କୁ ଭିଡକୁ ନଯିବା ପାଇଁ ପରାମର୍ଶ ଦିଆଯାଇଛି।
ଭୁବନେଶ୍ବରର ବଡ ବଡ ମାର୍କେଟ ଅଞ୍ଚଳ କହିଲେ ୟୁନିଟ 1 ମାର୍କେଟ ବିଲ୍ଡିଂଗ ୟୁନିଟ 4 ର ମାଛ ମାର୍କେଟ ଆଦି ରେ ସାଧାରଣ ଲୋକମାନେ ଭିଡ଼ ଜମାଇଥାନ୍ତି। ଆଳୁ ଗାଦିରେ ଜଣେ ଆକ୍ରାନ୍ତଙ୍କ ପାଇଁ 41 ଜଣ ଆକ୍ରାନ୍ତ ହୋଇଛନ୍ତି। ସେହିପରି ଭାବରେ ୟୁନିଟ 4ର ମାଛ ମାର୍କେଟରୁ 21 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ତେବେ ସାମାଜିକ ଦୂରତା ଓ ମାସ୍କ ବ୍ୟବହାର କରିବାକୁ ପରାମର୍ଶ ଦେଇଛନ୍ତି କମିଶନର। ଭିଡ କୁ ନଯିବା ପାଇଁ ସାଧାରଣ ଲୋକଙ୍କୁ ପରାମର୍ଶ ଦେଇଛନ୍ତି ବିଏମସି କମିଶନର । ଦୈନିକ ପରିବା କିଣିବାକୁ ନଯାଇ 4 ରୁ 5 ଦିନ ମଧ୍ୟରେ ଥରେ ଯାଆନ୍ତୁ। ବୁଲି ବୁଲି ପରିବା କିଣନ୍ତୁ ନାହିଁ। ଜୀବନ ବଞ୍ଚିବା ଜରୁରୀ ଅଟେ। ଚାଟ ଦୋକାନୀ, ଠେଲା ଦୋକାନୀ ଆଦି ମାନଙ୍କୁ ସରକାରୀ ଗାଇଡ଼ ଲାଇନରେ ଗହଳି କରି ବିକ୍ରି କରିବାର ଅନୁମତି ଦିଆଯାଇ ନାହିଁ। ଗ୍ରାହକ ମାନେ କେବଳ ସେମାନଙ୍କ ଠାରୁ ପାର୍ସଲ ନେଇପାରିବେ।
