ଭୁବନେଶ୍ବର: ରାଜ୍ୟରେ କମୁଛି କୋରୋନା ସଂକ୍ରମଣ । ସ୍ଥିତି ଭଲ ଥିବା ବେଳେ କିଛି ଜିଲ୍ଲାରେ ଏବେ ସୁଦ୍ଧା ସଂକ୍ରମଣ ଲାଗି ରହିଛି । ଏନେଇ ଉକ୍ତ ଜିଲ୍ଲା ଗୁଡିକରେ ସର୍ଭିଲାନ୍ସ କଡାକଡି କରାଯାଉଛି । ଏବେ ପଡୋଶୀ ରାଜ୍ୟ ଗୁଡିକରେ ସଂକ୍ରମଣ ବଢୁଥିବା ବେଳେ ଏହାକୁ ନେଇ ମଧ୍ୟ ସଚେତନ ରହିଛି ସ୍ବାସ୍ଥ୍ୟ ବିଭାଗ। ଏହି ସୂଚନା ଦେଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
କାରଣ ଦ୍ୱିତୀୟ ଲହର ହିଁ ପଡୋଶୀ ରାଜ୍ୟରୁ ଆସିଥିଲା । ଅନେକ ସମୟରେ ଦେଖାଦେଇଛି ଯେ, ଯଦି ପଡୋଶୀ ରାଜ୍ୟମାନଙ୍କରେ ସଂକ୍ରମଣ ବଢେ ତେବେ ଆମ ରାଜ୍ୟକୁ ମଧ୍ୟ ସଂକ୍ରମଣ ବଢିବାର ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି ଟେଷ୍ଟିଂ, ସଭିଲାନ୍ସ ଟୀକାକରଣକୁ ରାଜ୍ୟରେ ଗୁରୁତ୍ୱ ଦିଆଯାଉଛି । ଯଦି କୌଣସି କେସ ଆସେ ତେବେ ନଜର ରଖାଯିବ । ଏଥିସହ ଲୋକମାନେ ମଧ୍ୟ ସଚେତନ କରିବା ଆବଶ୍ୟକତା ରହିଛି ।
ସୂଚନା ଅନୁଯାୟୀ, ଆଜି ରାଜ୍ୟରେ ୩୧୬ ପଜିଟିଭ ଚିହ୍ନଟ ହୋଇଛନ୍ତି । ତେବେ ଦେଖିବାକୁ ଗଲେ ପଶ୍ଚିମବଙ୍ଗ, ଆସାମ ଭଳି ରାଜ୍ୟରେ ସଂକ୍ରମଣ ବଢିବା ଆରମ୍ଭ କଲାଣି । ସଂକ୍ରମଣକୁ ଦୃଷ୍ଟିରେ ରଖି ଦୀପାବଳି ପାଇଁ ସ୍ୱତନ୍ତ୍ର ଭାବରେ ଗାଇଡଲାଇନ ମଧ୍ୟ ଜାରି କରାଯିବ । ନ୍ୟାସନାଲ ଗ୍ରୀନ ଟ୍ରିବ୍ୟୁନାଲ ଓ ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ଏସଆରସି ଏକ ବୈଠକ କରିଥିଲେ । ସେହି ଅନୁସାରେ ଖୁବଶୀଘ୍ର ଏକ ଗାଇଡଲାଇନ ଆସିବ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
