ଭୁବନେଶ୍ବର: ପଞ୍ଚାୟତ ନିର୍ବାଚନ ପାଇଁ ଚାଲିଛି ନାମାଙ୍କନ। ଦ୍ବିତୀୟ ଦିନରେ ଖୋର୍ଦ୍ଧା କଂଗ୍ରେସ ପକ୍ଷରୁ ଜଟଣୀ ବ୍ଲକର ଜିଲ୍ଲା ପରିଷଦ ପ୍ରାର୍ଥୀ ପାଇଁ ନାମାଙ୍କନ ଦାଖଲ କରିଛନ୍ତି ।
ନାମାଙ୍କନ ଦାଖଲ ପୂର୍ବରୁ ଭୁବନେଶ୍ବର ମାଉସୀମା ମନ୍ଦିରରେ ଏକାଠି ହେଲେ ନେତା କର୍ମୀ। ଜଟଣୀ ବ୍ଲକର ଜୋନ 7, 8 ଓ 28 ପାଇଁ କଂଗ୍ରେସ ଜିଲ୍ଲା ପରିଷଦ ପ୍ରାର୍ଥୀ ମନ୍ଦିର ଯାଇ ପୂଜାର୍ଚ୍ଚନା କରି ନାମାଙ୍କନ ଦାଖଲ କରିଛନ୍ତି ।
ଏହାକୁ ନେଇ ବିଧାୟକ ସୁରେଶ ରାଉତରାୟ କହିଛନ୍ତି କଂଗ୍ରେସ ଭଲ ପ୍ରାର୍ଥୀ, ଯୁବବର୍ଗଙ୍କୁ ପ୍ରାଧାନ୍ୟ ଦେଇ ଟିକେଟ ଦେଇଛି । କୋଭିଡ କଟକଣା ମାନି ଘରକୁ ଘର ଯାଇ କ୍ୟାମ୍ପେନ କରିବୁ । ଲୋକଙ୍କ ସହ କଂଗ୍ରେସ ରହିଛି ତେଣୁ ଲୋକେ କଂଗ୍ରେସକୁ ଭୋଟ ଦେବେ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
