ଭୁବନେଶ୍ବର: ବିଧାନସଭାରେ ଉଠିଲା ଦରଦାମ ବୃଦ୍ଧି ପ୍ରସଙ୍ଗ । ବିଧାନସଭାର ଶୂ୍ନ୍ୟକାଳରେ ଦରଦାମ ବୃଦ୍ଧି ପ୍ରସଙ୍ଗ ଉଠାଇଛି କଂଗ୍ରେସ ।
ବିଧାନସଭା ବିଜେଟ ଅଧିବେଶନର ଏକାଦଶ ଦିନରେ ପ୍ରଶ୍ନକାଳ ସୁରୁଖୁରୁରେ ଆରମ୍ଭ ହୋଇଛି । ଏହା ପରେ ଶୂନ୍ୟକାଳରେ ଗୃହରେ ଦରଦାମ ବୃଦ୍ଧି ପ୍ରସଙ୍ଗ ଉଠାଇଛି କଂଗ୍ରେସ । ଅତ୍ୟାବଶ୍ୟକ ସାମଗ୍ରୀର ଦରଦାମ ବୃଦ୍ଧି ପ୍ରସଙ୍ଗକୁ ନେଇ ଜୋରଦାର ଉଦବେଗ ପ୍ରକାଶ କରିଛି । କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ଏ ପ୍ରସଙ୍ଗ ଉଠାଇଛନ୍ତି । ଖାଇବା ତେଲ, ଡିଜେଲ, ପେଟ୍ରୋଲ ରନ୍ଧନ ଗ୍ୟାସ ଦର ବୃଦ୍ଧିକୁ ନେଇ ଗୃହରେ ସଂକଳ୍ପ ଅଣାଯାଉ । ଦରଦାମ ବୃଦ୍ଧିକୁ ନେଇ ବିଧାନସଭାରେ ଆଲୋଚନା କରାଯାଉ ବୋଲି କଂଗ୍ରେସ ଦାବି କରିଛି। ଏହି ଦାବି ପୂରଣ ନ ହେବାରୁ ଗୃହର ମଧ୍ୟ ଭାଗରେ ଧାରଣାରେ ବସିଲେ କଂଗ୍ରେସ ବିଧାୟକ।
କଂଗ୍ରେସ ବିଧାୟକ ଦଳ ନେତା ମଧ୍ୟ ଦରଦାମ ବୃଦ୍ଧି ଉଠାଇବା ଟ୍ୟାକ୍ସ କମାଇବାକୁ ଦାବି କରିଛନ୍ତି । ସୂଚନାଥାଉକି କଂଗ୍ରେସ ଆତ୍ୟାବଶ୍ୟକ ସାମଗ୍ରୀ ଓ ଗ୍ୟାସ ଦରବୃଦ୍ଧିକୁ ନେଇ ସାରା ଦେଶରେ ସରକାରକୁ ଘେରୁଛି ।
ଭୁବନେଶ୍ବରରୁ ତପନ କୁମାର ଦାସ,ଇଟିଭି ଭାରତ
