ଭୁବନେଶ୍ବର : ଆଗକୁ ଆସୁଛି ପଞ୍ଚାୟତ ନିର୍ବାଚନ । ଏନେଇ ସରଗରମ ରହିଛି ରାଜନୀତି । କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକରେ ପଞ୍ଚାୟତ ନିର୍ବାଚନରେ କଂଗ୍ରେସ ସହ ବିଜେପିର ଗଠବନ୍ଧନ କରିବା ନେଇ ଚାରିଆଡେ ଚର୍ଚ୍ଚା ଜୋର ଧରିଛି। ଏନେଇ ପ୍ରତିକ୍ରିୟା ରଖିଛନ୍ତି ବିଧାୟକ ସୁର ରାଉତରାୟ । ସାରା ଦେଶରେ କଂଗ୍ରେସ ମୁକ୍ତ ଭାରତର ସ୍ଲୋଗାନ ଦେଇ ମୋଦି ସରକାର କ୍ଷମତାକୁ ଆସିଥିଲା।
ବିଜେଡି ବିଜେପି କଂଗ୍ରେସର ଶତ୍ରୁ :ସୁର
ହେଲେ ଏବେ କଂଗ୍ରେସ ସହ ବିଜେପିର ମିଳିମିଶି ଲଢେଇ କଥା କଂଗ୍ରେସ ସହଜରେ ଗ୍ରହଣ କରିପାରିନି । କଂଗ୍ରେସ ନେତା ସୁର ରାଉତରାୟ ଏହାକୁ ଖଣ୍ଡନ କରିଛନ୍ତି। ସୁରଙ୍କ ଯୁକ୍ତି କଂଗ୍ରେସର ପ୍ରଥମ ଶତ୍ରୁ ହେଉଛି ବିଜେପି ଏବଂ ଦ୍ୱିତୀୟ ଶତ୍ରୁ ହେଉଛି ବିଜେଡି। କଂଗ୍ରେସ କେବେ ବି କୌଣସି ପରିସ୍ଥିତିରେ ଏହାକୁ ଗ୍ରହଣ କରିବ ନାହିଁ । ଆବଶ୍ୟକ ପଡ଼ିଲେ ନିରଞ୍ଜନଙ୍କ ସହ ଦଳର ହାଇକମାଣ୍ଡଙ୍କୁ ଅବଗତ କରାଯିବ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
