ଭୁବନେଶ୍ୱର: କଂଗ୍ରେସ ବିଧାୟକ ଦଳର ଗୁରୁତ୍ୱପୂର୍ଣ୍ଣ ବୈଠକ । ରାଜ୍ୟ କଂଗ୍ରେସ ପ୍ରଭାରୀ ଏ ଚେଲ୍ଲା କୁମାରଙ୍କ ଅଧ୍ୟକ୍ଷତାରେ ବୈଠକ ବସିଛି । କଂଗ୍ରେସ ଭବନରେ ବସିଥିବା ବୈଠକରେ ପିସିସି ସଭାପତି ନିରଞ୍ଜନ ପଟ୍ଟନାୟକ, କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର ସମେତ ଦଳର ବିଧାୟକମାନେ ବୈଠକରେ ଉପସ୍ଥିତ ଥିଲେ ।
ତୈଳ ତଥା ଗ୍ୟାସ ଦରବୃଦ୍ଧି ପ୍ରସଙ୍ଗରେ ମୋଦି ସରକାରଙ୍କୁ ଟାର୍ଗେଟ କଲା ରାଜ୍ୟ କଂଗ୍ରେସ । ତୈଳଦର ୧୦୦ ଓ ଗ୍ୟାସ ଦର ୮୦୦ ଟପିଲାଣି । ଘରୋଇ ସଂସ୍ଥାକୁ ଲାଭବାନ କରିବାକୁ ବିଜେପି ଯୋଜନା କରୁଥିବା କଂଗ୍ରେସ ଅଭିଯୋଗ କରିଛି । ଏଥର ବିଧାନସଭା ଅଧିବେଶନରେ ଏହି ପ୍ରସଙ୍ଗ ଉଠାଇବ ଦଳ । ଓଡିଶାରେ ଦିନକୁ ଦିନ ଅପରାଧ ବଢ଼ିବାରେ ଲାଗିଛି । ଅପରାଧ ନିୟନ୍ତ୍ରଣ କରିବାରେ ଫେଲ ମାରିଛନ୍ତି ଓଡିଶା ସରକାର । ଏ ପ୍ରସଙ୍ଗରେ ବିଧାନସଭାରେ ରାଜ୍ୟ ସରକାରଙ୍କୁ ଘେରିବ କଂଗ୍ରେସ । ଏଥିସହ ଚାଷୀ ସମସ୍ୟା, ବେକାରୀ ସମସ୍ୟାକୁ ନେଇ ସରକାରଙ୍କୁ ଘେରିବ ଦଳ । ଅନ୍ୟପଟେ ପିସିସି ସଭାପତି ପରିବର୍ତ୍ତନ ନେଇ ଚର୍ଚ୍ଚା ଉଠୁ ଥିବାବେଳେ ଏହାକୁ ଖଣ୍ଡନ କରିଛନ୍ତି ଚେଲ୍ଲା କୁମାର । ଦଳର ସମସ୍ୟା ନେଇ ନେତା କର୍ମୀ ଅଭିଯୋଗ କରିପାରିବେ, ସେ ଅଧିକାର ତାଙ୍କର ଅଛି । କିନ୍ତୁ ଏବେ ପିସିସି ପରିବର୍ତ୍ତନ ହେବାର ସମ୍ଭାବନା ନାହିଁ । ଆଗକୁ ମିଶିକି ଅନେକ କାମ କରିବାର ଅଛି । ଖୁବଶୀଘ୍ର ଜିଲ୍ଲା ସଭାପତିଙ୍କ ନାଁ ଘୋଷଣା କରାଯିବ । ୨୦୨୪ରେ କଂଗ୍ରେସ ରାଜ୍ୟରେ ସରକାର ଗଠନ କରିବ ବୋଲି ଦମ୍ଭୋକ୍ତି କରିଛନ୍ତି ଚେଲ୍ଲା କୁମାର । ତେବେ ଦଳରେ ଆଭ୍ୟନ୍ତରୀଣ କନ୍ଦଳ ଥିବା ନେଇ ପଚାରିବାରୁ ପ୍ରସଙ୍ଗକୁ ଏଡାଇଯାଇଥିବା ଦେଖିବାକୁ ମିଳିଛି ।
ଭୁବନେଶ୍ୱରରୁ ଭବାନୀ ଶଙ୍କର ଦାସ, ଇଟିଭି ଭାରତ
ଭୁବନେଶ୍ୱର: କଂଗ୍ରେସ ବିଧାୟକ ଦଳର ଗୁରୁତ୍ୱପୂର୍ଣ୍ଣ ବୈଠକ । ରାଜ୍ୟ କଂଗ୍ରେସ ପ୍ରଭାରୀ ଏ ଚେଲ୍ଲା କୁମାରଙ୍କ ଅଧ୍ୟକ୍ଷତାରେ ବୈଠକ ବସିଛି । କଂଗ୍ରେସ ଭବନରେ ବସିଥିବା ବୈଠକରେ ପିସିସି ସଭାପତି ନିରଞ୍ଜନ ପଟ୍ଟନାୟକ, କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର ସମେତ ଦଳର ବିଧାୟକମାନେ ବୈଠକରେ ଉପସ୍ଥିତ ଥିଲେ ।
ତୈଳ ତଥା ଗ୍ୟାସ ଦରବୃଦ୍ଧି ପ୍ରସଙ୍ଗରେ ମୋଦି ସରକାରଙ୍କୁ ଟାର୍ଗେଟ କଲା ରାଜ୍ୟ କଂଗ୍ରେସ । ତୈଳଦର ୧୦୦ ଓ ଗ୍ୟାସ ଦର ୮୦୦ ଟପିଲାଣି । ଘରୋଇ ସଂସ୍ଥାକୁ ଲାଭବାନ କରିବାକୁ ବିଜେପି ଯୋଜନା କରୁଥିବା କଂଗ୍ରେସ ଅଭିଯୋଗ କରିଛି । ଏଥର ବିଧାନସଭା ଅଧିବେଶନରେ ଏହି ପ୍ରସଙ୍ଗ ଉଠାଇବ ଦଳ । ଓଡିଶାରେ ଦିନକୁ ଦିନ ଅପରାଧ ବଢ଼ିବାରେ ଲାଗିଛି । ଅପରାଧ ନିୟନ୍ତ୍ରଣ କରିବାରେ ଫେଲ ମାରିଛନ୍ତି ଓଡିଶା ସରକାର । ଏ ପ୍ରସଙ୍ଗରେ ବିଧାନସଭାରେ ରାଜ୍ୟ ସରକାରଙ୍କୁ ଘେରିବ କଂଗ୍ରେସ । ଏଥିସହ ଚାଷୀ ସମସ୍ୟା, ବେକାରୀ ସମସ୍ୟାକୁ ନେଇ ସରକାରଙ୍କୁ ଘେରିବ ଦଳ । ଅନ୍ୟପଟେ ପିସିସି ସଭାପତି ପରିବର୍ତ୍ତନ ନେଇ ଚର୍ଚ୍ଚା ଉଠୁ ଥିବାବେଳେ ଏହାକୁ ଖଣ୍ଡନ କରିଛନ୍ତି ଚେଲ୍ଲା କୁମାର । ଦଳର ସମସ୍ୟା ନେଇ ନେତା କର୍ମୀ ଅଭିଯୋଗ କରିପାରିବେ, ସେ ଅଧିକାର ତାଙ୍କର ଅଛି । କିନ୍ତୁ ଏବେ ପିସିସି ପରିବର୍ତ୍ତନ ହେବାର ସମ୍ଭାବନା ନାହିଁ । ଆଗକୁ ମିଶିକି ଅନେକ କାମ କରିବାର ଅଛି । ଖୁବଶୀଘ୍ର ଜିଲ୍ଲା ସଭାପତିଙ୍କ ନାଁ ଘୋଷଣା କରାଯିବ । ୨୦୨୪ରେ କଂଗ୍ରେସ ରାଜ୍ୟରେ ସରକାର ଗଠନ କରିବ ବୋଲି ଦମ୍ଭୋକ୍ତି କରିଛନ୍ତି ଚେଲ୍ଲା କୁମାର । ତେବେ ଦଳରେ ଆଭ୍ୟନ୍ତରୀଣ କନ୍ଦଳ ଥିବା ନେଇ ପଚାରିବାରୁ ପ୍ରସଙ୍ଗକୁ ଏଡାଇଯାଇଥିବା ଦେଖିବାକୁ ମିଳିଛି ।
ଭୁବନେଶ୍ୱରରୁ ଭବାନୀ ଶଙ୍କର ଦାସ, ଇଟିଭି ଭାରତ
Please write to us, for media partnership and Ad-sales inquiries. Email: adops@etvbharat.com
